兩公婆都病

前日老公懷疑感冒引至腸胃炎，今日又開始差D，而我因為天氣轉，以至近半個月來骨頭痛，今日痛到雙肩好似有千斤重。

尋日講過今日會再整包，9點幾起身諗左成個鐘先諗到整乜款，落街買左材料，再去買份報紙就回家。返到去老公醒左，於是我去煮〝百爵奶茶〞，諗住煮完就整包，老公大人話肚餓，所以煮完就開始煮早餐。

之前開左包火煺，不能放太耐，尋晚諗住係個自煮扒餐到附加火煺和炒蛋，但老公話唔多match啵！叫我明天當早餐。老公只吃炒蛋，但我未炒過蛋，想加鮮奶落去打蛋，但又怕會濕得滯，都係唔好加。第一次緊係用自己既做試驗先，所以比較肉酸，有2碟蛋比較白和靚果碟就係老公，老公都話OK。

食完早餐老公要睇〝葉問〞，所以今日要打消整包念頭，套戲OK，值得一睇，睇完老公有D頭痛要眠，我骨又痛又去眠，瞓到6點醒感覺有D不適和餓，食塊包再瞓，再瞓到7點幾醒，係床碌左好耐先起身，因為唔舒服唔想起身。

晚餐幫落樓下茶餐廳，我order左〝XO醬炒豬扒公仔麵〞，但都係食左半碟要停工食唔落。我個肚成日都好似想湧返豬扒公仔麵上來，而個頭又痛，最後想去扣喉嘔返D野出來，老公都讚成就立即行動，嘔左個人舒服D，個肚仍然有頂住既感覺，老公叫我食粒Panadol先，但我留返臨瞓前先食。

希望明天冇事喇！明早要湊阿B返學，然後晏晝又要湊阿B返〝協康會〞，其後連續兩日都要去〝協康會〞上堂，捱得住就好，佢地就不用請假湊阿B。