碰巧相聚

今日原本係冇街去既，但我又想出去行下啵！等我諗下有冇野買先，諗~諗~諗~有喇！我要出旺角，都有幾樣野要買。

突然老公11點幾起身睇電視，我就向老公表達我既意願，佢話旺角有好多人唔想去，平時我都唔鍾意去，但我要買野嘛！老公當然冇我符喇！老公約12點又再瞓過，我等到1點幾就叫老公起身，然後係樓下食埋野，再搭巴士出旺角。

我行勻全條〝花園街〞，都攪唔到間舖，可能已關門大吉，因為我都有好多年冇行過喇！這條街一向都多人，多人到我被一個迎面來既人撞到差D趴街，我〝哎呀〞一聲，身旁有把男聲〝嘩~〞，佢目到一切，當時老公係我前面，但我地係拖住既，我用老公借力以至不跌倒。

下星期要去飲，尊重大會點都要化少少妝，但我冇面霜要去買，因為自從不用上班後，我就懶只係用清水洗面，cream又冇搽，咁就平平地去〝DHC〞買喇！

離開〝花園街〞去左〝始創〞，老公就打比同屋住問：『下明天去唔去睇〝九巴傑出車長選舉〞？』，碰巧同屋住一家on theway來旺角，於是就約埋一齊行街和食晚飯。

我決定他們到來到時回〝花園街〞買鴨，阿B近排識扮鴨聲和做手勢，我諗過唔一定要係洗白白時玩，所想買來逗他。見面後一齊行下，又去食Tea，然後大家又陪我去書局睇書，我地仲約埋高達叔叔食晚飯添！

同屋住老婆話前排兩個囡先提起我和阿B，話好耐冇見過我地喇！佢兩個囡話學校有個男生好似阿B，佢見過後發現係啵！面型、髮型和輪廓都與阿B相似，但隻眼就冇阿B咁大。

高達叔叔家附近有間〝羽壽司〞，開店我已想試，想左咁耐終於如願喇！高達叔叔攞定籌先。間舖不是太大，我地大連小有7個人，order檯不多，我地坐左〝吧檯〞，所以有好多都冇影相，

食物水準都OK，有啲re-order添！而最好食就係呢4款。

帶子壽司~原本order〝珍寶帶子壽司〞，但店員話〝帶子壽司〞做緊特價，我地就order來試下，來到隻帶子都好大隻，咁珍寶咪唔得了。

吞拿魚腩~老公order，來到一件壽司鋪左2塊魚腩，老公與高達叔叔一起品嚐，大家都話好味，跟住老公食過番尋味，又再order，第2伴雖少，但比第一件好味。

吉列生蠔壽司~粉漿不多不少，隻蠔又夠大隻。

隻蝦我忘記左個名，但味道唔錯，所以都有re-order架！

佢地order左〝菊正宗〞，我好鍾意個酒瓶好得意。食完佢地去打卓球，不過老公攰我地冇去，高達叔叔和同屋住一家去。

坐車回家又諗起，頭先係〝花園街〞既冷，真係好想織頸巾，但織好又唔知送比邊個，又唔知有邊D志願機構有需要，大家知道就話我知，諗諗下就不如自己做衫，還掂而家既我咁難買衫，咁樣又可以打發下時間，又可以自己design和晝衫，但身形變大左咁多，要再度過尺寸先得，有D位好難自己度，搵日搵朋友幫手先。