又抵又滿意@Shopping

7 February 2009

尋日晏晝打掃做緊家務突然想行街，就相約熊貓姐姐和開心果姐姐，點知熊貓姐姐已有約，而開心果姐姐就在內地工幹，要夜晚7點先回港，唯有打消這念頭。到夜晚都係想去shopping，於是再與熊貓姐姐聯絡，就相約左今日3點行街。

今日老公又要去剪髮，應約前就陪老公去剪髮先，因為我順便通知髮型師今個月尾去飲，大約咁上下就會去整頭髮，但係去到冇開，手提留言離開左香港，我諗月尾前佢都會回港，老公唯有與我地一齊行街。

我心目中買衫有2個心水地方，第一個搵左好耐先搵到，可惜搵到係關上門，於是打電話問，回覆今日唔開舖，另一間就有開，但另一間係另一區，就向第二間進發，去到又係冇開門，我見老公咁悶，就叫佢回家等通知。我就與熊貓姐姐繼續行，行完整個商場都仍未開舖，當時已4點，所以我地放棄左，然後搭巴士去第一目的地的另一分店。

我地每人都係果間舖買到衫，再繼續行街街，其後大家繼續有收穫，行完就回左我家，因我想放低D野，又可以順便試衫。老公就坐係到打機，我地就好似Fashion Show咁，試下呢件又試下果件，又交換試下。大家正諗緊去邊到吃晚飯，老公就提意打邊爐，都好喎！我就相約埋高達叔叔一齊吃晚飯。

頭先入左間舖D衫好細件，我從不會入去睇，但唔知點解入左去，拎左件衫度上身都OK，衫款又OK我就買左，回到家試上身仲有鬆，真係好開心。

我地去之前幫襯過既酒樓，但間酒樓轉左手，所以貴過之前，但就有熱食，以為熱食會唔好吃，但出乎意料地好吃。打邊爐前食左3隻炸瞿翼，打完邊爐後又食多3隻，試左一隻炸饅頭OK，之後再吃多2隻，好香椰子味。

有D野食都冇影到，我見有午餐肉，就order一碟試下，佢地覺得怪，但試左又OK，冇想像中咁怪。今次我都唔係食左好多，只係飲左一罐汽水，比以前有節制左，怕咁夜食和飲咁多，明天上磅就大鑊。