沒玩機動的一天@海洋公園

今日係肥仔正日生日，正日生日去海洋公園係免費，所以相約我、老公、肥阿哥和阿嫂一齊與他一家去玩一餐。

今次係我第一次冇玩機動遊戲，雖然冇玩機動遊戲，但兒童王國都唔夠時間去，就要走喇！因為等〝冰上冒險奇緣〞和〝海洋劇場〞用左好多時間，每到都用左45分鐘等候，但睇就只係用左30分鐘。

今早約左9點係〝大家樂〞齊齊食早餐，然後坐城巴去金鐘，由於跑馬拉松封左路要改行紅隧，落車行去搭海洋公園巴士，但我去咁多次都係車等我，今次就要排長龍打蛇餅先上到車，幸好車多都唔係等左好耐。多人搭車自然公園內又多人，亦都係我第一次見公園內咁多人。

大樹灣落車，入場卷以前係風景靚好多，而家圖晝好肉酸，肥仔排隊登記拎入場卷，我地11點半由集古村果邊開始行。

這間係全海洋公園最大，款式最齊既精品店，就係入口處。

再行前D就見到牠們喇！

〝冰上冒險奇緣〞排左45分鐘，睇就係半小時。排隊時以為係中間有個溜冰場，然後觀眾就圍係旁邊坐觀賞，入到去形式就好似戲院一樣，未開幕前仲以為係播片，開幕後原來台上有個小型冰場，雖不是大型表演，但個冰場咁細要表演都有一定難度，所以我覺得唔錯，最好睇就係凌空邊蕩鞦韆邊表演雜技。

肥阿哥有D餓，沿路搵到有魷魚，就買來醫下肚，一兜要32蚊都頗為貴。

太平洋海岸

係呢到望落去機動遊戲果邊好靚，成幅晝面都好soft好舒服。

工作人員質班海豹玩緊，當時阿B睇到眼定定。

落去下層，突然有隻海豹游過，剛好被我攝入鏡中，牠正在游背泳，阿B見到嚇到彈開左，唔敢靠近玻璃。

行完呢到就大家搵位醫肚，本想係美食坊吃，但一個叉燒飯都四十幾蚊，〝麥麥〞又唔係好遠，所以我、老公和肥仔就去〝麥麥〞買野食，但呢到係冇餐之餘，仲要係得基本野，我地就每人買個包、飲品，再買D薯仔和麥樂雞吃。

海洋劇場~海洋伴我心

食飽飽就去海洋劇場，又係等左45分鐘，但睇又係得半小時。係臨開場半小時前，就有人表演樂器，跟住又有人表演舞獅。

表演真把鬼，比以前遜色好多，以前又海威小姐睇，有機會再去都不用睇。

海洋館

睇完劇場再去海洋館，唔知係咪散場關係，又係打晒蛇餅，仲要人潮式入場。

娣婦話副鯊魚牙係放係〝鯊魚館〞，但〝鯊魚館〞都改建為〝中華鱘館〞，頭先〝中華鱘館〞外面棟牌〝改善工程進行中設施暫停〞真係嘥氣。

我見到有D魚肥阿哥魚缸都有架，咁緊係冇呢到咁大條喇！最衰阿B瞓左，唔係實大開眼界啫！

我地見阿B未醒，就去機動遊戲到坐下，順便讓3位吸煙人士去充電。

頭先就係來呢間〝麥麥〞買野食，佢地想玩攤位，但公仔實在太肉酸，若果贏左都唔知要唔要好，所以最後大家都放棄左。

水母萬花筒

一入到去阿B就醒喇！可以睇到水母，但老公全部都係〝垃圾膠袋〞，又幾似啵！

登山纜車

我地有6大一小，但我地三兄弟姐妹有咁上下份量，唯有分2架纜車，肥仔一家三口一架！我地揀左靠山的纜車，因為老公畏高，佢全程hold住條扶手，肥阿哥一D都唔驚，而我與阿嫂有小小怕，因為都幾高嘛！全程停過3次，當時個心真係驚架！若果係100%安全就算離地我就唔怕，入到車廂我要與肥阿哥每人一邊作平衡。

大熊貓園

下纜車都已5點9，跟住就立即向大熊貓園進發，因為聽聞公園7點關門。

嘩！咁晏都仍然咁多人排隊，熊貓魔力非同小可。

以前係海洋公園睇過熊貓，但好似唔係係呢到，而家有4隻熊貓，不用說已知邊4隻。左邊係〝佳佳〞；右邊係〝盈盈〞和〝樂樂〞，〝盈盈〞和〝樂樂〞係在同一個地方，但我唔識分辨佢地。

〝安安〞開餐喇！首先安安入左間房，然後工作人員出來擺竹葉，安頓好一切走人，再放〝安安〞出來用餐，阿B睇到唔捨得走。

外出等阿B時見到個月亮好圓，因為明天係〝元宵節〞，老公問我點解唔影相，我部普通野影得唔靚，諗諗下都係影，點知老公叫我收埋算把喇！無謂獻醜。

一入集古村已想買好得意既企鵝，我係想買另一隻得意D架！但老公話呢隻可以變〝咕臣〞好D，所以臨走前先買，咁就唔駛拎住。

變身後既〝企鵝咕臣〞。

我地臨關門前15分鐘離開。

搭回城巴去金鐘，見阿B肚餓，所以去左落車對面既日本舖頭食飯，雖然水靜河飛，肥阿哥都讚好，阿嫂話佢好少讚野好食架！但老公都係果句，lunch來多人未必有呢個水準。