黑色星期五2009

老公lunch後來電，佢話我知痾左幾次，4點幾再打比老公，想話佢知等阿B瞓醒就去街，因為尋日應承左阿B。我聽到電話背景好嘈，估唔到老公去緊睇醫生。

我與阿B行住街等娣婦放工，與娣婦會合後我就去睇衫，終於等到間boutique開喇！緊係有收穫，原來上星期六都有開，但現時人流唔多，所以佢開晏晝5點幾。

今晚與娣婦同事一家去左日本飯堂吃飯，一早問左老公要吃牛肉粥，吃完就去買，另外買多碟炸兩，因為我想食，老公都吃左幾舊。

晏晝3點幾老公去睇醫生，4點幾回公司交低事宜就閃人，醫生話佢腸胃炎，應該係由感冒引起，可能係老公身體好頂得住，但腸胃就唔好，感冒菌入左腸，所以痾和發燒，唔知係咪我傳染比老公呢？因為前幾日唔多舒服，食2粒Panadol好好多，老人家話傳左比人，自己就會好架喇嘛！

老公話呢個醫生唔多掂，佢燒到102度居然唔比退燒藥，老公問護士，護士問醫生，醫生先開退燒藥咋！冇計喇，老公公司要佢地用醫療咭睇醫生，用親醫療咭藥都唔會好喇！

頭先老公回家時，電梯到7和8樓之間閃一閃，又顯示係11樓，跟住唔郁，然後向下滑左少少，再到十樓又侄一侄，所以佢叫我回來時唔好搭果架電梯。回家途中不斷諗，若果疑有問題電梯停係大堂，另一架係上面，一直冇人搭疑有問題果架，咁我咪返唔到屋企囉？好在去到大堂疑有問題果架上行中，事後我問老公頭先怕唔怕困電梯，佢一D都唔怕，只係怕架電梯下墜。