鼻竇發炎

今日老公放假，我由得佢瞓，我起身後，做回我平時既野。平時2點幾就會叫佢起身陪我去食野，但我冇叫佢起身，可能我仲未嬲完，所以唔覺肚餓。

尋日喉嚨痛我已預定今日會再睇醫生，今次睇回我平時既醫生。今日晏晝3點我就沖涼、洗頭，預備一陣自己去睇醫生。咁啱老公3點幾起身，佢可能記起我要去睇醫生，就立即梳洗。

我地去左診所掛號，然後去醫肚，返回診所剛好到我。我拎埋之前睇另一個醫生開既藥比醫生睇，醫生聽完我既報告，然後係我塊面按幾下，感覺有D痛楚，又摸下我條頸，就診斷我係鼻竇發炎和喉嚨發炎，醫生要我食多3日抗生素，今次有6種藥，仲有我最怕既咳藥水一支，食左藥會眼瞓。

之前F先生叫我幫佢去烘焙店睇下酥皮買幾錢，佢要既酥皮係百佳有售，但我成日去到百佳又忘記睇下，唔緊要〝二德惠〞係附近上去睇下先，自己又順便入下貨。