失望晚餐@農家意粉

新年前已經少左寫Blog，新年後更加懶添！又唔想寫，又冇巡Blog，但想整包餅，又的唔起心，總之就唔想郁喇！加上病左，食藥後好眼瞓，更加冇心機。

今日為左清麵粉，可以騰出多D空間，所以就開爐，一開就整左2樣野，仲可以清埋低筋粉和糖粉添！真係好嘞！遲D又可以入貨。

尋日我食左好多朱古力，諗住今晚唔食飯，只係食方包，諗起老公放工一個人食飯好凄涼啵！晏晝整餅冇出到街買本麵包書，所以就係老公落車既地方等佢，然後一齊去食飯，跟住去買書。

今晚我地再去〝農家意粉〞，之前介紹過比肥阿哥和阿嫂，但佢地去試過話唔好吃，今次再試對它真係有改變，變得一D都唔好吃，令到我地兩公婆好失望，下次都唔會再去。真的如老公所料未必keep到水準，今次不論品質或服務態度真係差到不得了。

餐湯等左好耐先到，仲要係凍既。我既熱柯華田，係微暖，但好飲好滑；老公既凍奶茶，佢話好難飲。

我和上次一樣order〝12安士~T骨〞，賣相已冇上次咁靚，肉質更加差，十分之難切，切到我手都軟，要中場休息先可再切。

老公order西冷要6成熟，來到約4-5成，要求再煎至6成。老公個扒跟黑椒，但要求轉蒜蓉汁，但再整完出來再淋汁，但淋左黑椒汁，老公一見到就爆粗。塊扒好似柴皮咁，整完差不多變全熟咁滯，老公食完就胃痛。

頭先要求煎至6成時，我舉左手好耐都冇人應我，叫左兩次，都係應我等一陣，但果個人都冇望又點知邊個客呢，跟住我起身舉手都冇人理我，後來有個仕應睇到，但佢望左一眼就當睇我唔到，真係激死。