試晚裝‧搵手袋@陪朋友

今日我有兩個約會，但朝早11點個約，因為對方有事改期明天，咁我今日得一個約時間就鬆動D，應完約就要回去湊阿B放學。

今個星期六要去飲，其中一個朋友做姊妹，所以今日我就陪佢去試晚裝裙，佢順便帶埋頸飾、耳飾，幫下眼襯邊件好。

上到去好快就有得試，試完再改，改完再試，朋友比較瘦，所以都係改左一次就OK。等改裙時，又傾下計，又睇下襯飾，而且佢要幫新娘keep key和手飾，所以需要個手袋仔，但佢帶給我睇的手袋與晚裝裙不襯，所以一陣去附近商場搵下。今晚其他姊妹會來試晚裝裙，所以留下等她們一起取。

我地行晒成個商場得一間有襯晚裝既手袋，可惜款式不太合心，跟住食D野先。朋友萬事俱備，只欠個手袋仔，附近又冇呢類舖頭和商場，所以食完再折返頭先果間舖再睇。其實，果間舖我都睇中一個銀色珠片手袋仔，必要時可以買它都可以襯到，朋友聽到我的意見，就拎左來睇下、襯下，拎上手比掛起靚好多。我地係踏實人，又不用上班，只係用一次，這個價錢比較貴，最後都係冇買。

朋友沒帶鞋和外套來，新娘子來電叫朋友回去取晚裝裙，拎回家配襯一下，好讓當天完美，所以我就陪朋友再上去，朋友再試晚裝裙。頭先只係睇合唔合身、飾物襯不襯，今次被我發現裙的外紗有少許爛左，而且一邊內裡長過外紗，我沒有等改好就走了，因為我要趕回去湊阿B放學。

我湊左阿B回家就走，因為我講過幫朋友去我家附近商場睇下手袋仔，又係全個商場得一間有類似東西，今次價錢合理，但朋友不喜歡個袋型，又係冇買，朋友話自己會再搵。