開心遊@海洋公園

今日係阿B第一次去〝海洋公園〞，
我地入到去就排隊睇〝冰上冒險奇緣〞，阿B又點會一齊企定定排隊丫！

排隊既欄杆就係阿B既遊樂場，玩得不亦樂乎。

阿B好鍾意熊貓架！擺埋pose同佢影相添啵！

阿B要轉風車，但我地要佢一定要轉〝身體健康〞果個。

從遠處已聽到鼓聲，鼓係阿B喜歡樂器之一，所以佢又點會放過，佢打得好起勁。

阿B一臉倦容，因為佢今日7點幾就自動起身，
食早餐時已見到佢有倦意，係坐穿梳巴士時，差不多落就瞓左，
落車後冇耐就醒，前後只係瞓左十幾分鐘，所以佢好攰。

一見到佢地就精神晒，簡直唔捨得走。

佢起勢要攬住海獅。

我地再落去睇真海獅，阿B幾聚精會神。

肚餓醫下肚先。

阿B係海洋劇場，但唔係睇表演，而係睇劇場後既機動遊戲。
阿B既倦容又再次出現，所以劇場完場後就瞓左。

阿B趕得切係坐登山纜車起身，total瞓左一粒鐘。阿B第一次坐，所以有D驚。

阿B個樣好期待啵！佢期待既係睇熊貓，仲睇到唔捨得走。

阿B一入海洋公園見到呢隻手已愛上，簡直係愛不釋手，
所以我地臨走時肥阿哥就買左2隻比佢玩，其中一隻緊係比我地同佢一齊玩架喇！
除此之外，肥仔與娣婦都買左隻杯比阿B。

我地食完晚飯，就坐巴士回家，丈丈見阿B眼瞓，
就抱佢瞓，但都唔瞓，仲係到偷笑添。