尋日想醃多盎〝醃鹹柑桔〞，5點幾去到街市生果阿伯收左舖，今日回娘家前再去一趟，依然未開，我諗佢應該休息，買柑桔、四季桔真係可遇不可求。
今朝返到娘家娣婦話而家帶阿B去睇醫生，阿B好精神通屋走，但尋日我接阿B放學，老師話阿B朝早嘔左一次，夜晚肥仔來電又話阿B8點幾又嘔，跟住發燒，雖則燒已退，娣婦為安全起見都係見一見醫生好D。
突然記起前日阿B返〝協康會〞其中一個同學嘔，阿B與他face to face，但相隔2個身位，可能咁就中招。醫生話阿B輕微腸胃炎，醫生一聽到呢件事，都話可能係。
娣婦陪我帶阿B回娘家後就返工，晏晝我與阿B十二點幾就瞓左，我瞓到3點幾先醒，個人真係好攰，臨走我應承阿B買Pingu碟比佢，所以我等老公放工陪我去買，買完先去食飯。
我想買DVD，但店員話Pingu只係出VCD咋！Pingu出左好多隻碟，每一隻碟都有6個故事，新出既就有個靚封套，若果阿B乖遲D再買多D比佢睇。
一打開就知道原來封面可以撕出來做相架。
內附貼紙
隻企鵝仔好得意喎, 好睇嗎 ???
回覆刪除[版主回覆02/13/2009 23:36:00]大人會覺得一般，有D人什至乎覺得唔好睇，但我就OK，小朋友更加唔駛講喇！我有個朋友個囡都好鍾意架！雖然佢係講企鵝話，但你會明白佢講咩！
我個仔睇到隻企鵝仔碟窒窒下,日睇夜日隻企鵝碟花囉!!!
回覆刪除[版主回覆11/13/2009 17:54:00]係喎~佢地百睇不厭架！睇到我都識背咁滯，但有左Pingu佢地就會好安定，都算係好幫手既。