開心整蛋糕

今日開心果姐姐在我家附近book左場打羽毛球，平時打一粒鐘，今日就打2粒鐘波，但佢有朋友甩底三缺一，而其中一人都係打一粒鐘，之後要返學，所以就叫埋老公一齊打，打完波開心果姐姐有事辦，打完就即走，我與老公就買lunch回家吃。

P小姐邀請我到她家教她與P囡(她的囡囡)整〝香濃綠茶慕絲蛋糕〞，預備明天母親節送給她的母親大人。尋日P小姐接到公司通知今日要O.T.做到6點，她怕我會太夜，而且我又要與老爺吃晚飯，所以佢叫我6點到她的家，P囡會係家中等我，叫我教識P囡，而佢盡量趕回來。後來得知與老爺的晚飯取消，所以我就改7點到，咁樣就可以等埋一齊整，又可以傾計傾耐D。

我都有十幾年冇見P囡，當年見她只有兩歲幾，而家已婷婷立玉，比我還要高。我真係好羨慕，P小姐與P囡望落去話佢地係兩娣妹都有人信，後生生BB真係好。今次合照膚色比上次好，P小姐話今次我比上次Charm，唔通真係尋日做Facial真係有效？

大家分工合作，我主要係做預備功夫。之前我整4吋用2片魚膠片，而家P小姐要做一個8吋就用8片，我與P小姐都擔心會唔會多得滯呢？另外淡忌廉磅完，我又覺得好似好多咁，會唔會失敗呢？但一切我都係用我平時既公式來計算，邊整就邊擔心。

最後結果係完全冇問題，但另一問題就係蛋糕size太大，表面好難整得平滑非常難handle。

P小姐帶我去吃日本餐，但太多人唔知要等到幾時，P囡提意去餐廳吃，但P小姐覺得呢間麻麻，但不用等位，所以都係揀它，食物水準真係一般，但以這個價都可以接受。

上次P小姐請我吃飯，所以今次幫佢買材料我唔收錢，可是今晚食飯佢比我快一步比錢，我比返錢佢又唔收，下次再來我就整D蛋糕、曲奇做拌手禮先，其實今次都想整，可惜掛住玩Game、懶冇整。