第十五屆國際嬰兒、兒童用品博覽

BB頭髮好型丫~

今日出發去〝BB展〞，購票時會有本〝購物優惠券2007〞&〝環保購物袋〞一個，入到會場見到娣婦好努力填寫，因為本〝購物優惠券2007〞每一頁都有贈品，但要填好資料才有。我地沿途睇下野又玩下遊戲又訂下野，大多換贈品的攤擋都要排長龍打蛇餅，阿B又有與公仔影相非常開心。

阿B含情脈脈望住〝熊熊〞！

在會場內有供給BB換片的地方，還供應免費尿片&濕紙巾用，亦都有〝餵捕母乳的房間〞，不過男仕止步，並且有波波池可以讓大一些的小朋友玩耍。

我地排隊換野時，我睇下錶阿B還有大半小時夠鐘開餐，加上見阿B點都唔訓

，所以我話開奶比阿B飲

，肥仔毛遂自薦餵阿B吃奶&邀請老公做助手，我地換完後正四周張望佢地係邊就見到老公，見到阿B自己拎住奶樽一口氣食剩1安~非常叻仔

，之後娣婦繼續任務，而我地3個就去同阿B換片，我地冇排隊只問工作人員拎左條片行埋一就企係到換，因為太多人排隊加上阿B平時換片都係企係到，阿B唔肯訓係到佢會週圍爬仲難換。

嗚~嗚~不小心做壞事！

我見到〝迪士尼美語世界〞有這把〝米奇〞扇，我就行過去抽獎，而其中一份獎品係〝米奇摺疊扇〞，可是我&娣婦都抽中〝Toys Story〞的貼紙，我本想問佢拎這把扇，可是我比個推銷員sale我join program就唔記得左，之後我都唔敢行過去，我就叫老公去拎，但係原來要坐係到聽完個program先可以拎。行行下我見到原來係另一邊都有擺攤位，係stand後面放左好多把扇，我就走去拎，老公見到想拎多把比阿B，點知有人同佢講係抽獎的禮物，我聽到後~吓！

咁我咪做左壞事囉！之前話係聽完就送我才拎，如果係抽獎禮物我一定唔會咁做，小朋友千祈唔好學丫~

每日得800隻〝水晶奶咀〞

Pampers攤位玩得幾開心。唉！2個瘀痕都未散。

〝Pampers〞的攤位有地方玩&影相，而娣婦又要訂〝Pampers〞的片，所以我就同老公去換埋其他贈品&幫娣婦交其他入會表格。會合後去到一個攤位有得打扦揪，

阿B玩得好開心仲流晒口水~可能有靚姐姐同佢玩，玩完後坐係旁邊睇人玩都好開心。

開心到見牙唔見眼！

行出會場夜景非常美麗，由於我背住阿B唔方便就叫老公幫我影一幅夜景。當我地走到大街上在碰到2個朋友，大家惚忙交談幾句走了，原來佢地都係去會展，但唔知佢地係咪去〝BB展〞，如果係就差不多關門。最後我地吃完晚餐

就回家。

夜景係咪好靚呢？

訂Pampers送相薄&尿片，其他都係買比阿B食。

娣婦好鍾意這牌子的東西，之前買個睡袋送溫度計，今次填表就送，相比之前大D，但今次都有買衫。

另一件娣婦喜愛的衫。

當日的贈品！