開心的一天

今日做左好耐冇做既野~買衫，又買到我想買好耐既野~〝專業糕點製作〞(我搵左好耐&好辛苦)，總之今日好開心

。

事原今日屋企lunch無人煮飯，所以我尋日就致電比琦琦約佢食lunch，但琦琦話平時食開間餐廳closed，我就簡左〝美心快餐〞，琦琦叫我去到睇左食乜就打比佢，佢到後就幫我買。

我去到屋企樓下才記得忙了帶〝XO醬〞比琦琦，本想回家取但係取回後我就要坐〝的士〞，所以冇拎到。我致電給老公，因為之前老公叫我記帶埋〝XO醬〞比琦琦，老公話唔緊要喇，佢都唔趕要。到達〝美心快餐〞後便通知琦琦。阿B有少少扭計，我就餵阿B食奶~居然食晒，食完仲即刻要食我D飯，仲食左好多~飯桶一名。阿B望住我地D汽水又用手指住琦琦杯汽水，於是我就捏住少少飲筒比佢飲，一啖吸唔到，再黎第二啖吸到喇，可能〝拿〞，所以全部流返出黎。琦琦幫我睇左一陣，因為我要去〝矛厠〞，回來時都好乖坐下到玩琦琦比佢包紙巾。本想行去〝吉之島〞，但見到落雨就唔去，就叫阿B同琦琦〝飛吻〞後分手，大家轉身走後，阿B哭~我唯去追琦琦，再一齊行多少少路就走。

                                           

商場內有很多人，但我太喜歡多人的地方，可是阿B又想睡，唯有一邊shopping、一邊等阿B訓。入左去一間boutique睇衫，一款衫有2種色，諗左好耐都唔知要邊隻色，而且我又覺得件衫又好似好〝老餅〞又好似好〝娘〞，但我又想買~好矛盾丫！後來問售貨員意見

〝綠色〞好，因為佢話我頭髮黑，再著黑色個人會好沉，我都係諗緊。

售貨員：你鍾意黑色呢？

我：係丫！我的衫大部分都係黑色。

售貨員：叫BB幫你選。

阿B扭眼訓

，突然拎住件黑色，我同售貨員講都係買黑色保險D，因為唔太特出，

〝綠色〞我怕買左唔著。

我記得附近有間〝書局〞，想買〝專業糕點製作〞，因為之前訂左冇回音，於是我就背住阿B一齊行，雖然落雨都覺得熱，去到〝三聯書局〞行去烹飪書的地方，搵唔到~死心不息，睇左幾次都係冇，在心灰意冷時轉身走，真係〝發雞盲〞後面都係放烹飪書的地方，搵~搵~搵~搵到喇，本書有少少〝烏租〞，但又搵唔到另一本，一場黎到再睇埋其他書先，睇睇下比我發現多一本~沒有〝烏租〞，我就決定買這本喇！

離開時還落雨，我便坐〝的士〞回家，因為要行一段路才有小巴回家，落雨與阿B一起太不方便，這是最好的選擇。