雙重開心※老公萬歲、萬歲、萬萬歲

〝老公萬歲、萬歲、萬萬歲！〞

雖然，今日一早就發生D唔開心既事，今我〝好辛苦~不吐不快〞，但我冇同老公提過這件事，因為我只想發洩一下。但係下午時，

老公一個電話已令我由〝活火山變死火山〞，就係老公問我下星期一、二、三都放假問我好唔好丫！我即刻有疑問？

我：點解放假？

老公：香港公司同事與大陸既同事炒野~香港同事星期一放假，但星期一&二都有貨出，咁佢又放囉！

我：咁星期三......(我未講完老公就講)

老公：下星期，你生日丫麻！

我：吓！我生日，9月頭喎？咁快到喇咩？

老公：而家二十幾號喇！你扮野唔知？

我：我真係唔知！我知自己生日，但唔知係下星期。

老公仲話下星期一帶埋阿B去街街添，所以我已約好〝琦琦〞一齊食lunch喇！我問老公星期一&星期三都有節目，咁星期二呢？要留在家執屋，因為老公就要搬屋，我遲些會講解。雖然，老公還未預備節目，但總之今日

〝雙重開心〞~Yeah

！原來老公有時都好細心架！

第一重開心：係老公終於肯放假。

第二重開心：老公記得我生日。