自家製海蜇 (內附食譜)

之前見到有個Blog友仔仔好鍾意食〝海蜇〞，佢想知道點整，而我知道我伯娘識整就應誠左問下伯娘，今日終於有結果喇！但係伯娘趕住接孫放學，希望我沒有記錯。係未有相睇，因為我未整，我會盡快去實踐架喇！大家密切留意！

伯娘話要用

浙江海蜇才好吃

，

因為浙江才是〝正式上海海蜇〞

，佢買HK$96/斤，出面可能買HK$100多D/斤，就算平都唔會平過HK$90/斤。

〝海蜇〞要浸2日，即是你今日下午浸要到後日下午才可以吃。

 

                                                                                                                             

自家製海蜇

材料：

浙江海蜇    

調味料：

幼鹽                    適量

麻油                    適量

熟油                    適量

配料：

火腿                    適量

做法：

1.            將火煺切絲，備用；海蜇疊好後切條。

2.            開水喉用水沖海蜇，一邊水沖一邊用手〝禁〞下&〝渣〞下。

   u      因為〝海蜇〞好〝污租〞，所以用水沖時要用手〝禁〞下。

3.            第1日，用水浸1-2個鐘後就要換水，在換水時又要重覆用手〝禁〞下&〝渣〞下，要不繼重覆這步驟。

   u          沖水時用手〝禁〞下&〝渣〞下，可以令海蜇薄D&爽口D。

4.            第2日，用水浸1-2個鐘後就要換水，在換水時又要重覆用手〝禁〞下&〝渣〞下，要不繼重覆這步驟。

5.        用水洗淨後，隔水再用凍滾水浸洗。

6.            用筲箕隔水，之後加幼鹽用手撈勻。

   u          不要用太多鹽，因為怕會太醎。

7.            加麻油、熟油、火煺絲一起撈勻，即成。

貼士：

l        如喜歡吃辣的朋友可以改用辣麻油撈海蜇，如都不夠辣就可以吃時點辣椒油。

l        將芝麻炒香後，加在海蜇上更加香。

l        西芹切絲炒好後都可以做配料。