打針後遺症

病緊都古靈精怪~

上星期一阿B去〝健康院〞打針，姑娘話2-5日後會發燒，但都冇發燒，終於係前日發燒喇

！其實之前我都覺有少少，但係佢係間中覺得額頭有些罄，前日就同阿B探熱體溫

101.1℉，跟住食退燒藥

，到尋日都未退燒，我就決定阿B半夜睡了都要弄醒佢食藥，因為我發覺阿B差不多到食藥時的體溫又會高~要準時食藥，並且之前係〝荷花〞買左一本書

〝新手爸媽湊仔速成班〞中提及過『為何半夜常發高燒？』孩子常常半夜發高燒，最常見的原因是，晚上大家都睡覺休息，父母到了服藥的時間並沒想到給孩子餵藥，藥力消失了，體溫自然便升高，這是沒依時服藥之故。有見及此我就每隔4小時起身叫埋娣婦一齊與阿B探熱&餵藥，半夜2點幾仲有燒，但到左今朝6點幾就退燒了，雖然如此都不可以鬆懈。

八卦仔週圍望~

今日肥仔放假，所以下午我&肥仔就帶阿B行去左隔離村食飯&行下，食完飯係諗住有冷氣等阿B睡，不停係商場兜圈行到好攰，但點知阿B又唔訓，原來夠鐘飲奶~飲左少少就唔飲，我摸下阿B發覺又好似有輕微發燒，於是我地就回家等阿B睡醒

，還有燒就去睇醫生。睡醒後比之前好，所以吃〝健康院〞的退燒藥，沒有睇醫生。明天去肥阿哥到，希望退燒。

上次病瘦左未有機會養肥，而家打針又發燒，唔肯食粥、飯、奶，又再瘦D，不過都仲好〝墜手〞，但我都要盡快養番肥阿B。一陣再探熱係冇燒應該可以放心些。

〝新手爸媽湊仔速成班〞這本書我覺得不錯，內容包括：育兒初體驗、護理小兒科、寶寶健身室。

〝育兒初體驗〞：關於BB的清潔、衣、食、行、生活。

〝護理小兒科〞：BB大小病時對策、成因，會教你點樣按摩、煲什麼湯水對BB有幫助。

〝寶寶健身室〞：教你幫BB按摩、穴位按摩，做一些運動有助BB的身心發展。