馬蹄糕 (荸薺糕) – 阿蘇 (內附食譜)

大合照~個圖案靚唔靚呢？

有一次睇有線〝一粒鐘真人蘇〞內阿蘇個朋友教整〝馬蹄糕〞，我知肥仔又鍾意食，所以今日〝的起心肝〞整比肥仔食。尋日已叫阿媽幫我買蹄，但我怕佢唔記得，所以今日一早再提多一次。跟住我自己再睇多次點整(阿蘇&肥媽的煮餸節目我都有錄影保存)，原來要用約20粒馬蹄做一底，我即刻打比阿媽幫我買40粒馬蹄。阿媽話幫我買多左幾粒做後備，突然有粒馬蹄由膠袋底部碌出黎~穿左窿，咁就唔知有冇少到。

老豆幫我洗馬蹄，我&阿婆就幫馬蹄削皮，原來真係唔見左幾粒~總數39粒，但有一粒爛左，所以每底有19粒馬蹄。我都唔知有冇做錯，因為我見佢只是可以做一底，但我就做了2底+5杯仔。肥仔見到個樣好似唔想食，但阿媽話個樣又幾靚喎，我自己都覺個樣凹凸不平~不美觀，可是已跟他的做法，都不能整平表面，我要再多嘗試。

〝馬蹄糕〞要好大力

，用比較易控制的工具來攪拌。最初是用飯杓攪拌，但在熄火後就要用好大力攪拌&我轉用了鑊鏟，因為比較方便。

因為我唔食〝馬蹄糕〞，所以我等有人品嘗後才post出黎，結果阿公話好味，但係阿媽話可能多粉~實左一D，所以我都要再研究一下&點解我可以整到咁多

。

蒸前&蒸後~蒸完後就會變透明架喇！

馬蹄糕 (荸薺糕) – 阿蘇

材料：

馬蹄                    約20粒

馬蹄粉                1盒

冰糖                    1包

做法：

1.            將馬蹄的上端切去，再切去下端，然後削皮。

2.            馬蹄削皮後切開一半，用刀背拍一下，再切碎，用碗盛起，備用。

3.            馬蹄粉加入3碗水攪勻，備用。

u          將馬蹄粉浸發一下。

4.            冰糖放入煲內，注入3碗水，煮溶。

5.            用篩隔去馬蹄粉的雜質。

6.            將馬蹄加入冰糖水內，隨即加入馬蹄粉後，要不斷攪，用小火煮。

u          千萬別讓它熟透，留意煲內，待會它突然結塊(透明膠狀)。

7.            煲中物由乳白色變成透明流質就要熄火，但仍然要不斷攪。

u          不要怠慢，要不然下熟，上不熟。

8.            要用力不斷攪，讓它繼續凝結變透明，就可以倒入模內。

9.            帶上手套沾少少涼水，壓下就可以將表面整平，用中火蒸30分鐘。

10.         倒去馬蹄糕內的〝倒汗水〞，放過夜，不用蓋上蓋或密封，可以蓋上筲簊，即成。

貼士：

l        煮時要不斷攪，因為很易燶。

l        用〝Z〞形的方法攪，令在底部的都可以浮上面；順方向攪，只會攪到外圍。