第十三屆~2007巴士歷史模型展覽

睇下臭B坐到......

第十三屆~2007巴士歷史模型展覽詳情：http://www.80mbusmodel.com/menu-2007.html

高達模型GUNPLA大型主題展覽詳情：http://gunpla-expo.bandai-asia.com/

老公有個朋友好鍾意〝高達〞，所以佢知道今日有〝高達展〞，而且又有〝巴士展〞，就諗住去睇完〝高達展〞再坐車去睇〝巴士展〞。尋日老公致電約朋友，點知

？原來係下星期開始才有〝高達展〞，雖然如此，但我地都約一齊去睇〝巴士展〞，仲約埋肥仔一家&老公的朋友一家4口，下星期才去〝高達展〞。

巴士片段、巴士填色比賽、購買巴士相

巴士公司出版的巴士模型

參賽者用紙做的〝皇后碼頭〞

〝巴士〞作品比賽全部用紙整既，係咪睇唔出呢？

用紙做的街景比賽！

今日約埋一齊係茶餐廳食完lunch一齊去睇，阿B一見到老公個朋友就好開心，唔知係咪佢都係人地老豆呢？阿B成日都望住佢笑，佢同阿B玩得好開心

。自從般左去〝始創〞攪就唔係咁好睇，以前係〝西港城〞好D，所以好快就走lu

。

人地老豆提議去打〝桌球〞，在行去途中我見到娣婦好似唔開心

，我就問佢~娣婦答我唔係，係〝頭痛〞，雖然我地手上有3個小朋友，但都準我地入去。由於在場的男性全部都是煙民

，娣婦又不習慣煙味，加上阿B都唔可以吸，所以我與娣婦就去左無人的2樓同阿B玩。

我：我地去行街，你係咪想買BB野？

娣婦：呢到有冇〝荷花〞？

我：有，係〝新世紀〞，呢到一直行好快到。(我地係〝金都商場〞附近)

娣婦：唔好喇！咁遠~

玩完回去時在樓梯碰到人地媽咪去買水比2個女飲，咁我地就一齊落左去〝7-11〞，老公見我回來時挽住一大袋野，問我買咩，我話買野飲，買埋比其他人麻又買野食比阿B囉。過左一陣，娣婦抱左阿B去玩，我唔知娣婦係咪唔鍾意呢？因為娣婦好文靜、好純，唔鍾意去〝卡拉OK〞

、去街都晚上8、9點返、唔去Bar，所以呢D地方唔知佢係咪唔鍾意。

娣婦係〝荷花〞買左2盒，一盒比阿B，而另一盒送比2位小妹妹。

我就同娣婦講不如我地去〝荷花〞，終於我地一行2個媽媽、一個師奶(我)、3個小朋友，在途中記起阿B差不多食奶，我就打比老公叫佢地係阿B食奶前過黎，差不多到〝新世紀〞阿B才睡著

。去〝荷花〞經過〝大眾書局〞就入左去，因為我想睇下有冇〝專業糕點製作〞，呢本書係〝專業麵包製作〞作者：馮詠楷、周健文所寫，之前係〝商務〞留左，但好耐都冇回音，我搵左好耐才搵到，剛好老公黎到幫我比錢，我地就去〝荷花〞餵奶，點知？老公打黎話得一本，但書後面好〝烏卒卒〞，問我要唔要？我話你決定喇，我唔得閒，最終都係冇要。

我的〝激辣泡菜湯麵〞

肥彭鍾意〝泰昌蛋撻〞

〝新世紀〞美食廣場就係我地食晚餐的地方，我地分批去買野食，我食左〝激辣泡菜湯麵〞、〝肯德基~香辣脆雞雞胸〞一件、〝泰昌蛋撻〞一個。蛋撻係老公話要食，平時老公好少有要求食D乜，我就點解你要食既，原來係〝肥彭〞鍾意食果間，但係我就覺得皮太甜，其他都OK。我、肥仔&娣婦都係同一間買，娣婦買先，所以影唔到相。我個〝激辣泡菜湯麵〞一D都唔辣，老公話泡菜浸係湯到梗係唔辣，但係連湯都唔辣喎

！娣婦個叉燒拉麵就麻麻，但肥仔就幾滿意〝蛋包炒麵〞，但個〝燒墨魚波波〞就~No Good

，我飽飽無食。

肥仔的晚餐

坐車回家，肥仔、娣婦&阿B都睡了

，落車後我見娣婦有少少笑容，可能睡了一陣頭痛好些，回到家我問肥仔，娣婦係咪唔鍾意，佢話唔係佢頭痛，我見娣婦食完藥就睡。原來真係唔係唔開心，係頭痛啫。