番薯味雪糕

回味無窮~番薯味雪糕 (試完味先記得影相

)

剛過去的星期六，原本諗好下午1時多起行去油麻地〝二德惠〞買麵粉，用黎預備明天(星期日)做蛋撻&蛋糕仔的，

但係天氣實在太熱

，使我都

唔多想出街，另外阿B唔舒服睡了

，家中得老人家我又唔放心放低阿B，但娣婦放工要幫阿B買尿片未返，到阿B睡醒已3點幾，我打比娣婦，原來她正在回家途中，見到她後她便說肥仔話一陣收工與阿B去公園或行街。我有見及此便同老公講不如唔去油麻地叫埋佢地去荃灣，我可以順道去〝橘子烘焙〞買麵粉，打比肥仔問下~都冇問題，我又記起不如叫埋阿嫂去，不過阿嫂要遲少少先，因為太熱~

要抖暑(哈~哈~

講笑咋)，肥阿哥公司食自助餐，所以唔去。

我地到達荃灣後吃過下午茶，再去買麵粉，阿嫂就與我地會合，今次終於唔係我決定晚餐食乜~係肥仔是也。肥仔之前都帶過我去食，佢話果到既

羅宋湯好好味，但次次去都唔係佢之前飲的味道，但與其他餐廳相比已是幾好，而食物都OK，仲有如果你吃餐會有雪糕做甜品，果到D雪糕味好濃郁&好好味。今次雪糕的味道係我地未食過的，而肥仔聽到之前有個客話唔係雲呢拿雪糕，但我地睇佢個樣同雲呢拿雪糕沒有什麼大差別，咁究竟係咩味呢？當我食第一啖既時候~唔，我知係咩味喇~卡卡

，就係

〝番薯味雪糕〞，佢地唔信係番薯味，仲話係餐廳的員工自己整，我好肯定係番薯味，我就即刻問伙記咩味既雪糕，

伙記：係〝番薯味雪糕〞。

我：Yeah~Bingo！

(心想) 跟住我問係咪自己整架。

伙記：唔係~係買返黎。

我：咁我問邊到有得買呢？

伙記：係〝阿波羅〞買的。

我唔吃番薯都覺得好味，但係我比老公試，老公就唔多喜歡，因為老公不太喜歡吃零食，而雪糕都係鍾意食綠茶，其次就係士多啤梨。其他人都異口同聲話〝好味〞。我上過去阿波羅的網址揾唔到有〝番薯味雪糕〞買，下次去阿波羅雪糕屋問下先。

阿波羅網址：http://www.appolo.com.hk/