一歲的針※仿真食物模型

今日係阿B要早上9:30到〝健康院〞打一歲預防針，所以肥仔&娣婦都請了假，肥仔仲明天都請埋假，因為怕阿B打針後發燒。我地食完早餐就出發，入到房阿B好似知道咁週身郁，姑娘話打左針後要等20分鐘沒有什麼事就可以走&2-5日才發燒，阿B打完針就喊到拆天咁，但出左房一陣就冇喊，可是見到佢好唔開心。

我地起程由〝健康院〞走，跟住行路去葵芳，真係熱到冇得頂，到達葵芳就立即去7-11買野飲，去到商場有好多店鋪都未開，行左一陣被我地發現〝新都會〞的廣場擺了一個關於仿真食物、日常用品、日常用具模型展覽，我&娣婦見到就即刻去影相，跟住就去買野食回家，但肥仔都係唔坐車，佢話唔想截車，所以我地都係行路回家。

肥仔一路行一路整阿B尋日趴地的禮物〝風扇〞，因為〝風扇〞成日趺落黎。身處於中午烈日當空時段，我就同佢地講我行先，之後我就一支箭行到去屋企樓下等佢地。

在〝健康院〞見過姑娘後，阿B有幾樣野要改善：

l            〝自理能力〞多D，因為家中老人家多，通常一叫就會有野得到手。 

l            平均吃粥都係半碗就比較少。 

l       零食多，都係〝星星餅〞、麵包、蛋糕。 

l            一日應該吃1-2餐奶，但阿B有4餐。

姑娘話由於零食多，所以從來不覺得肚餓，導致吃粥少，加上有很多營養奶是不能供給比阿B，我諗即是倒轉奶變為副食品，而我地大家食飯或粥就是阿B現在的正餐，但係阿媽話阿B食4餐奶都話少，我都唔知點好，成日都為左阿B嘈，救救我丫。