沙田西田~BB餐廳

〝沙田新城市〞租的BB車

尋日阿B去左個

〝一歲趴地〞由下午12:00開始至下4:00，在下午執完屋3點幾又冇野做

&前日都冇阿B再去

〝BB餐廳〞就打電話比肥仔問下佢去唔去。我記得〝新城市廣場〞有BB車租，好似HK$100-按租，如果架車冇損壞就會退回按金，點解要租車~咪因為肥仔冇背背帶&BB車，所以到步就即刻去租，詢問處職員問我地BB幾多磅&係邊(要見到BB先租)，但當時肥仔抱住阿B&老公係樓下等我地，我就立即急call佢地上黎，可是當時冇BB車要等到18:15才有人還車，但我地都照book先，好在在辦手續其間有人還車，所以不用等就有車車坐，但這款車是適合年齡大小小的小朋友坐，阿B唔鍾意坐上去，但冇辦法喇~長抱會好攰。今日我發覺B仔真係墜手左好多，我抱了一陣都有D頂唔住。

等我睇下Menu先~

E餐~和風餐 〝白身魚&蔬菜、滋味軟飯、生果糊仔〞

我地立刻全速前進，因為怕多人&關門，如果今次都食唔到連我都會有D唔開心，去到真係人山人海，但真係幸運去到有位，即刻抱阿B去坐，之後都有好多人黎，但要等位。阿B都好鍾意食我地為佢選既

〝E~和風餐 (白身魚&蔬菜、滋味軟飯、生果糊仔)〞，仲將成個餐食晒添

，我都試過個飯好煙靭、好軟，味道好淡，我娣婦話網上流傳，在CitySupper有得買，我都見到係一包包用水沖開的。

我地之後就去左〝荷花〞買野比阿B，點知阿B扭計，娣婦就即刻就問荷花職員借熱水開奶，因為借熱水易過借凍水，點知佢地話冇，肥仔就有些〝罄〞

想行去再同佢地講點解會無上次係荃灣都有，我話上次係荃灣佢地都係用蒸餾水機仲話係職員用，都唔多想借，我話算喇，我地即刻上返去〝BB餐廳〞開奶，阿B食緊時已差不多睡著，最後吃剩1/2安就睡了。

由於我地有BB車，加上這鐘數有好多人食晚飯，所以我地選擇〝希爾頓中心〞的麥麥開餐，肥仔想買個斜孭袋就行左一陣街，行左幾間終於買到喇，跟住回家lu。去到巴士站好熱丫，突然娣婦見到

〝小強〞

，我睇唔到

〝小強〞

係邊，娣婦話頭先係巴士前，我話可能走左去巴士底。我地上車後坐上層，之後覺得有點怪，點解D人都唔上車，點解又唔開車呢，發生咩事？有人話車倒人，大家都議論紛紛，我話唔通壞車，但壞又會有冷氣既，老公話係波箱有問題，點知話口未完轉頭司機就熄匙，之前已經有部分人落左車，而家咁既情況仲多人落車，我見到咁咪又話落車，但老公叫我地唔駛咁急，之後我地就坐番低。突然聽到有人話有第2架車黎，我地先落車，站長安排我地過車，但我見到車上都差不多滿座，若果我地上車隨時冇位坐，所以我地決定與站長講唔上車再等下一架，如果平時冇小朋友我會上車，因為我冇位坐都冇所謂。站長將我地交回車長再等車，但車長成日都行開，我問車長係咪壞車，車長話水箱流水，如果再行會好危險，之後肥仔就去左食煙。原本娣婦係老公旁邊，但突然娣婦彈開大叫。

娣婦：〝小強〞丫！

我：係邊！

娣婦：係丈丈衫袖到。

我睇唔到喎，突然老公勃條頸，我就見到係老公膊頭落少少有我手指咁長既〝小強〞

，我雖然好怕

〝小強〞

，但我好愛我老公，我估起勇氣徒手幫佢勃隻

〝小強〞走，一次唔得二次、三次，終於唔知點樣隻〝小強〞就趺左落地，娣婦即刻抱阿B坐上欄杆上，我繼而都坐上欄杆，〝小強〞走向後面既一對男女~個女都係好驚，個男用腳踢走，點知又踢左去我地果邊，老公又踢一腳

，跟住就唔知走左去邊，我諗可能係娣婦之前見到果隻。肥仔返黎我就鬧佢，頭先有

〝小強〞你又走左去，你明知我、老公、娣婦都怕〝小強〞架麻，真係激死我。

後記：

我係借BB車時見到有位太太向接待員取〝L〞碼尿片，後來我上網睇真係有尿片供應，不單這樣還有其他服務，有興趣可以瀏覽：http://www.newtownplaza.com.hk/cybermall/ntp/customer_scope