早上8點幾肥阿哥打電話黎揾肥仔
，我話肥仔訓緊，因為今日放假，肥阿哥聽到後話晏些才找他。傍晚時份，肥仔同阿B落街行，過了一陣肥仔就打黎話一陣去肥阿哥到，問我去唔去~我話去。我地上到去，肥阿哥食左飯盒，而阿嫂就食左通粉，咁我地食咩好呢？問佢地又話是但，老公話唔食壽司
，因為叫外賣得
〝元綠〞，結果由7點幾問到8點幾都係冇結果，於是我就決定叫
〝麥麥〞外賣，雖則肥阿哥食左飯盒，但係都要叫4隻雞翼吃
(我家人好大食架)，
一共4個餐、
6件香辣脆雞、
9件麥樂雞。
今次係我第一次叫〝麥麥〞外賣，問地址時冇問幾多樓、幾多室，我以為忙唔記得問咪同佢講，點知佢話
唔送上樓，只係送去大堂，來到時才打電話比我落去拎，心想點解咁奇怪
。
突然
大廈警鐘響起，我地隨即睇大堂的閉路電視，見到大堂聚集了一些人，之後又見到有消防員，老公即刻走出去走廊，
見到電梯停了，肥阿哥打去會所問個究竟又唔通，可能好多人打去，我地一直睇閉路電視留意情況。
電話響：我係〝麥麥〞外賣速遞員，而家係大堂。
我：唔好意思，而家冇電梯。
麥麥：咁係咪要等有電梯先丫？
我：係丫！因為我係最高果層。
麥麥：咁丫！我一陣打番比你。
過左一陣。
麥麥：咁好丫！我搵個地方坐，你得就打電話比我。
我：哦！我盡量安排。
原本我想由41樓行樓梯落去，再行返上黎，但係冇人陪我去。肥阿哥突然有一個奇想
，就係由佢的天台爬
過去間離的天台，2個天台中間有一個好闊的駁位，但係條隙細佢肥得滯攝唔到入去，咁即係要瘦人~阿嫂、老公、娣婦，冇理由要女仕做咁危險既事
，而老公又畏高
，但係阿嫂話你過到去都開唔到門喇，肥阿哥話可能條鎖匙一樣呢。
老公好肚餓，叫左外賣到左又冇得食，好在頭阿媽叫我地拎尋日唔記得食既燻蹄過黎食，如果唔係就餓死。唔知過左幾耐，老公又行出去睇下有冇電梯，好野可以落去喇，於是就即刻分頭行事，我打電話通知外賣速遞，而肥仔&娣婦就落去。唉！我地係閉路電視見到肥仔&娣婦拎住野食行入大廈，但突然見佢地返轉頭，又好似踎係地下，究竟咩事呢？都攪左好耐都唔返黎既，正當肥阿哥想打比肥仔就電話響，係肥仔打比肥阿哥問我地有冇叫
，佢地會唔會困係電梯內呢？如果唔係check咁耐，都應該係警鐘響前上左黎lu。不過，好在有野食，佢地可以食住先。係閉路電視到見到2個傻瓜，好在冇事。都攪到9點幾做老公最鐘意睇
既〝學警出更〞就冇睇閉路電視。門鐘響原來係佢地，肥仔話佢收左錢就走，咩都冇講。我地問有冇困電梯，原本係12樓警鐘一響就即刻落返地下，後來一有電梯就即刻衝去搭。終於要10點幾先開餐，薯條都變得唔好食~嘥晒
，差D晚餐變消夜。
點解上次係醫院困電梯唔會即刻送我返去地下既，係咪新電梯先至係咁咋？
肥阿哥的金魚
沒有留言:
發佈留言