老公對不起，我很愛你！

老公對不起，我很愛你

！

昨日有朋友致電給我約今個星期日食晚飯，因為其中一個朋友生日，我已應承了，但要在星期六re-confirm，因為姑娘話阿B打左針後要2-5日後才會發燒。我尋日都忘記了同老公講，頭先老公打比我就同佢講，點知？

老公：星期日係29號喎！

我：係喎(仿言大晤)！結婚週年紀念

。

老公：我諗住同你去〝大奧〞。但係會好熱，這幾日我已留意〝天文台〞會唔會落下雨。

我：我咪可以去買〝XO醬〞囉！

老公：係丫！我就係諗住係咁。

我：但係你而家講左比我聽咪冇驚喜囉，如果你果日同我講我會仲開心。

老公：咁樣唔去，去另一道。

我：你到時咪又係話去〝大奧〞。

跟住老公有野做就掛線。Oh~No！點解我咁大頭蝦架，7月29日係我地結婚3週年紀念，我真係低打

，通常係男人唔記得，而家反而係我唔記得，對唔住老公丫！其實月頭當我記得都問過老公會有咩安排，佢話唔知等佢諗下先，我都知到時都係冇咩特別的過，因為我老公係一個既唔浪漫又冇心思既人，但唯一優點就係錫我。但頭先佢居然話果日會同我去

〝大奧〞，我聽到好開心

。

記得我地之前與一班朋友去過，仲每人用

20蚊坐觀光艇，比我地無意中睇到〝中華白海豚〞~真係低，我聽講有好多人專程租船都睇唔到，另一樣野就係〝大奧〞入面有一間店舖販賣自制〝XO醬〞非常好食，每次我都用黎整〝XO醬炒紹菜〞，吃過的人都讚好

，由於只是在

〝大奧〞才有售，所以很久之前已用光。我都有叫老公陪我入去買，但路途遙遠，一直都冇去。今次佢主動動提意去，我梗係舉腳讚誠喇！

之後打番比朋友講我結婚週年紀念，朋友都一邊笑一邊同我講，問我點解唔記得架，我都笑~真係唔記得。