發燒、咳嗽、流鼻水

30/6 (星期六)，阿B已經有發燒，不過都係燒左一日到就退，今次就燒左4日，到目前為止都未痊癒。

5/7 (星期四)，第1日病：最高燒100.5℉

上星期四，早上8點幾娣婦叫醒我話阿B好似發燒要探熱，我就即刻去幫手，肛探100.2℉有發燒

，娣婦話佢下午返黎同阿B去睇醫生。今次轉另一個醫生，去到醫生到

耳探38.1℃，醫生話幾乎冇燒，屬輕微感冒，食2日藥就好，睡前體溫99.9℉。

第一日病：打電話比媽媽快D返黎同我睇醫生先！

6/7 (星期五)，第2日病：最高燒102.2℉、鼻水、咳嗽、嘔痰

尋日細舅母係鄉下陪阿公&阿婆返香港，而肥仔又請左假，所以多左2個幫手，萬一阿B扭計都好D。早上6點娣婦叫醒我話阿B又好熱，體溫101℉比尋日還要高，我叫娣婦去睡，等我睇住阿B，因為佢仲要返工。鼻水&咳嗽多左，幸好精神都不錯，係胃口差一些&有時嘔痰

。

第二日病：餅餅好味丫！

7/7 (星期六)，第3日病：最高燒102.1℉、鼻水、咳嗽、嘔痰

今早5點幾幫阿B探熱，體溫100.2℉，在娣婦返工前我地都摸過阿B好似退左燒，不過娣婦都放低阿B張覆診卡以防萬一，點知阿B11點幾睡醒又燒過。藥食完，但係都未退燒，而且冇之前咁精神，所以我地就同阿B去睇多一次醫生， 醫生見仲未退燒，話可能係出玫瑰疹

，屬過

濾性病毒，如果係就會燒到明晚就會退燒，之後就會係身上出現粉紅色小疹，但出完疹後就要小心，因為好容易傷風&感冒，醫生如果出疹就打電話給他。

第3日病：為食BB眼訓唔去訓，食野最緊要。

8/7 (星期日)，第4日病：最高燒100.8℉、鼻水、咳嗽、嘔痰

仍未退燒，但精神好過尋日，仲差不多訓左成個下午，到4點幾阿B醒我地就同左佢落街行，之後去左肥阿哥個會所玩，順便等埋肥阿哥&阿嫂一齊回家吃晚飯。

9/7 (星期一)，第5日病：退燒、鼻水、咳嗽

阿B已退燒，身上沒有出疹，鼻水和咳嗽都有好轉。原本娣婦放工後帶阿B睇醫生，但之前已約了朋友吃晚飯，就會十分趕時間，所以我就提意食第2次睇〝位元堂〞剩下的藥，而病徵與今次差不多，娣婦都同意。因為阿B睇過2次〝位元堂〞都好貴，睇一次夠睇幾次兒科西醫，最衰就係阿B睇西醫都最少要睇2次先會好，而且阿B食中藥唔會醎 (將中藥磨成粉末，用水開服用)，如果可行就可以慳D錢，用黎買其他野都好丫。

第五日病：好番少少就同太公爭野食。

10/7 (星期二)，第6日病：少少鼻水、少少咳嗽

鼻水&咳嗽都好了一大半，而最開心既事就係阿B胃口亦都有好轉。晚上都食了大半碗粥，所以應該可以持續食中藥直至阿B好番，可能大家覺得去睇醫生好D，但係由於阿B係BB，所以醫師開的藥都係用太極蔘、健脾、益胃的藥，而且用藥份量都是很少，所以應該不會有問題的，再者第2次病去睇前，都比過阿B食第一次食剩的藥，沒有好轉才帶去睇第二次，醫師都說沒問題的，而第一次與第二次都相隔2-3個月的。

第6日病：精神好些開始曳曳。

11/7 (星期三)，第7日病：間中咳嗽、鼻水

今日阿B比平時睡得多，可能係佢自己的身體作戰中，需要多一些的體力，鼻水&咳嗽可以說無，睡時有輕微鼻塞。阿B個黑眼圈平時都勁，而家仲勁，簡直係安安、佳佳、樂樂、盈盈既同鄉

。照情況睇阿B應該好快好返。

【玫瑰疹 (Roseola  infantum)】

玫瑰疹主要是由人類泡(應為病字旁)疹病毒第六型(Human herpesvirus 6)所引起的傳染性疾病。它通常發生在6個月大到3 歲之間的幼兒，潛伏期大約是1-2星期，典型症狀是高燒2-5天，平均約3 天，通常在攝氏39度以上，可能伴有輕微的上呼吸道感染或是腸胃道感染的症狀，也可能沒有其他任何不適，患兒在用藥退燒的時候，精神、體力及胃口都一如往常。在燒退之後，開始先在軀幹及頸部出現粉紅色，不痛、不癢的小疹子，這些疹子可能往臉部及四肢漫延，但不須任何治療，多半會在2-3天之內自行消退。

理論上，玫瑰疹應該只會長一次，但是有人認為除了第六型外，人類泡疹病疹第七型也是玫瑰疹的病因之一，所以，還是可能再發，只是機會不大。

理論上，若確知是玫瑰疹，是不需使用抗生素的，問題是在燒退，疹子出來之前，任誰也沒辦確定是不是玫瑰疹，只是有經驗的醫師會依自己的經驗及診察結果來作綜合的判斷及猜測。該醫師使用抗生素是否適當，我沒有當面診察病兒，不宜猜測，說不定該醫師經由診察結果認為令兒扁桃腺炎有細菌性感染的可能，所以才開予抗生素。抗生素的不當使用會加速抗藥性菌種的產生，影響的是整個人類和細菌對戰時可用武器的減少，而不是對個人的身體會有不良影響。

注意事項

·   發 燒 時 予 退 燒 處 理 。

·   多 補 充 水 分 。

·   保 持 皮 膚 清 潔 ， 可 沐 浴 。

l      給 予 易 消 化 的 食 物 。