大個仔一歲喇

前幾日老公同我講今日放半日假，我就好奇怪，因為以前叫佢放假陪我都話唔得話公司有好多野做，連我病都冇放過假陪我，所以我就進問點解？佢話之前拎左半日假，餘下半日要今個月放埋佢，所以就選星期五(老公返5日，但星期六通常都要返工)，哦~原來如此！但係佢仲有28日大假未放(佢公司都唔比人放假既)。我發覺今個星期五原來係阿B〝一歲生日〞，跟住我就同老公講，不如星期五帶埋阿B約琦琦食lunch，再同阿B行一陣街，跟住夜晚約肥阿哥、阿嫂、肥仔、娣婦一齊去沙田宜家傢俬食飯，順道去沙田西田百貨的BB餐廳同阿B慶祝生日，一切已安排好了。

今日早上阿B7:30就起身，一如以往食完奶後眼訓又唔訓，但係就會係9:00-10:00到會再訓，可是今日係11:30才睡，原本我預算在11:45到出發，因為我唔想次次都坐〝的士〞去，所以我係12:00就用背帶背起阿B，點知臨尾一下弄醒左阿B，以阿B〝野性的性格〞就緊係唔再訓喇。我落遲了一個站，因為我記憶中好似下一個站下車會近我目的地多些，

天啊~我記錯左去左好遠，我原本係係〝福來邨〞頭落車，而家就係差不多到〝屯門公路遠〞附近的工業區先落車，我即刻打電話比琦琦&老公要遲些先到，在烈日當空下背住阿B行返去〝荃錦中心〞，真係有想死既感覺

，老公叫我行入去〝愉景新城〞起碼有一段路可以冷氣，雖然有冷氣，但我都係不停流汗。

琦琦已在餐廳等我地，老公比我還遲到達餐廳，我一見到老公就將阿B交比佢，因為我要抺汗。我地睇緊食乜時，突然手臂上有一點水點滴下，這是我的汗。琦琦見到阿B都覺得佢瘦左，我話係丫~之前唔舒服唔多食野，不過琦琦話都幾墜手。吃完lunch後，行左一陣街就返屋企，因為阿B要返去食奶、訓一陣&洗白白。肥仔5點幾就返到屋企洗白白，到左約定時間我地就係屋企樓下巴士站與肥阿哥會合，而阿嫂&娣婦就係沿途巴士站等，我地落車後第一時間就去BB餐廳已7點多些，我地去到覺得其怪不用等位，而且很少人，因為在網上睇到呢間BB餐廳時常人山人海&須要等位，但我地只見到一個工作人員忙着、有一個BB食緊野、一個剛剛走就別冇其他BB，正當我地相討選餐&四周參觀時，正在餵BB用餐的父母對我地說這裡是晚上7點關門，我地就即刻問工作人。

我地：可唔可以整到一份BB餐比我地？

工作人員：唔好意思，唔可以。因為煲水的煲已關了電源。

我地：咁有冇外買？

工作人員：呢到冇外買的。

我：呢到有幾多個位？

工作人員：有3個位係固定、有2個位BB高椅，共5個位，但遲D會擴充。

點解咁耐都冇得食架？

點解隔離姐姐有得食？

阿B面上掛着失望的面容，因為佢見到人地有得食自己冇得食，肥仔見到咁樣就話明天同阿B再黎，我地唯有帶阿B影相留念。阿B走的時候扭計

，但真係冇辦法都要走，阿B唯有

〝希望在明天〞。

影相留念！到此一遊！

我地去到宜家開餐，例牌有牛牛，而另一樣係咩~就係〝燒春雞〞。嘩！隻燒春雞好靚丫~好耐未試過原隻雞用手撕黎食喇~味道都唔錯。肥阿哥吃〝燒春雞〞外，還order左個〝兒童餐〝肉醬意粉〞，阿嫂話肥阿哥怕唔夠食，而肥仔吃牛牛外，還order左〝燒春雞〞，因為娣婦只吃沙律，怕佢唔夠隻雞同佢share。阿B初初都只係食薯仔，之後我地加埋雞肉比佢食，佢好鍾意食。我地吃過晚飯後，在宜家行了一陣，到走的時候我、老公&肥仔都食番杯香滑雪糕先走。阿B就係咁樣這了一歲的生日。

食唔到〝兒童餐〞，食美味薯仔補番！

靚靚〝燒春雞〞

兒童餐〝肉醬意粉〞