2 July 2007
第五站：飲茶
我地唔去適合香港人果間，而去另一間，我地唔知點去就去左問人，我地照指示行好似唔多似或仲要行多一段路，由於天氣很熱
和尋日行左好多路，所以我地決定折返去港式酒樓，飲完茶女豬腳與她的老公回香港，因為她的老公要返工。在酒樓的時候已致電給腳底按摩中心安排司機接我地。我看到我的技師好像上年是幫我老公的技師，便問她在這裡做了多久，原來做了一年多些，我與朋友都互望對笑
，她奇怪的問咩事，我就與她解釋了，她說認不出，因為太多客人了，我都明白。玩自動麻雀機時，我地有叫左〝公司三文治〞&〝炸雞翼〞~十分好味，而〝公司三文治〞仲encore添
。原本預算玩2個鐘，最終玩左4個鐘才完成8圈牌，大家都諗到沒有上年那麼好玩，氣氛好似自己係屋企打麻雀，非常遊閒，可能係我地唔趕時間的關係。我地走時突然落大雨~正所謂〝落狗屎〞，中心司機載我地去深圳火車站回香港。想起上年腳底按摩真係記憶猶新、有血有戾，這個地方是我們上年無意中找到的，上年半夜才去按摩，睡醒就去飲茶，識路的朋友走左，我地想打保齡，唔識路點好呢？其中一個朋友話一路行一路搵，在烈日當空下~感覺像在沙漠裏長征，無止境的行~行~行，平時不會話熱的朋友都捱唔住，怕熱的我就不用多說，我覺得我地好像行到去深圳好偏僻的地方，沒有高樓大廈，而且疏落，亦都冇咩人，正當大家心灰意冷時，突然在眼前出現一間腳底按摩中心，我地就上去試下，在按摩過程中，與技師閒談得知這裡開業不夠一年&有自動麻雀機，我地聽到已雀躍不已，我地有5個，所以老公與另一個朋友做partner輪流打。原來自動麻雀機係有2副牌，當你打完推落去洗牌，而另一副已升上來你就可以開始另一局，所以我地根本就趕不及找續，唯有得閒的一個就幫手，整個過程非常緊湊&刺激，因為按小時收費秒秒都是錢，由於時間都不早食完飯再趕回香港，所以用餘下的15-30分鐘去完成1圈半的賽事，最後用2個鐘去完成了8圈牌。上年全個行程最開心就是玩自動麻雀機，雖然輸錢，但真係好開心。
公司三文治~平靚正 (RMB12)
沒有留言:
發佈留言