Home Sweet Home: 不定期聚會

我真係越黎越怕夏天，因為好熱~

熱到唔想郁，有時係屋企唔郁都會流汗。我最鍾意冬天，天氣清涼，著衫又靚D~我好貪靚架。

今日約左朋友聚會，我諗左成朝都諗唔到著咩衫，其實係今日之前我已經諗著咩衫，因為我又會〝阿茂整餅〞，到時天氣咁熱又係廚房點好呢？真係諗到我頭都大埋。終於決定左，但係我爭札左好耐先換衫，因為真係好熱，但係換完衫我已經成身汗，天啊~救命丫~熱死我喇！

攪到我行到成個機械人咁，因為熱出汗條牛仔褲黏住我隻腳，

好辛苦丫~我非常不喜歡這感覺。

整裝待發~出發走到烈日當空的街上，

真係想有人發明有可以隨身攜帶既冷氣機就好喇！與朋友們會面後食完早餐+午餐，就去其中一個朋友家〝耍樂作戰〞一番，我當然〝阿茂整餅〞喇。大家都行到身水身汗，所以一齊抖抖~嘆冷氣

，抖完我就去開工，一進入廚房與客廳簡直係

〝天堂

與地獄

〞。我一邊整一邊留汗，不過唔緊要，因為我既信念就係

〝人人為我、我為人人〞只要成功，而大家又食得開心就值得，。

當日我與老公分開作戰，我留守〝地獄廚房〞，而老公就係〝四方城〞，雖然好熱，但係有老公時不時入黎睇我又奉上冰凍飲品

，咩都唔記得晒喇！

真係心都甜~So Sweet

！製作蛋糕仔時發生左一些意外，就係我電話響，咁我叫老公聽喇，係肥阿哥打黎問野，因為我有野叫肥阿哥整，於是老公叫我，就係係我分開蛋白與蛋黃之際我擰轉頭應老公，

不慎倒瀉左蛋白~真係激死我

。

老公：唔緊要喇！再分過。

我：冇晒蛋喇。

老公：之前朋友話有2-3隻。

我：我已經用左一隻，得返一隻。

老公：用埋佢囉。

我：我點知頭先倒瀉左幾多。

老公：一隻。

我：你又知？

老公：係一隻，你信我，係一隻。

我：梗係唔止一隻喇，倒左咁多。

老公：咁我而家去買，你出去打住先。

我：好~你一陣去買。

老公：你出去打住先。

我：我要整野。

其實我都知唔關老公事，但係唔知點解當時真係好嬲。我唔係真係要佢去買，但係我點都要聽到佢講呢句我先收手，大家係咪覺得我好〝朗禮〞、〝橫蠻〞

，可能係被屋企寵壞，但係我只係家人與老公係咁。之後老公都有入黎問係咪要買，我話整緊唔洗喇，所以今次蛋白份量少左1/3多D，但係都一樣咁好食，而蛋撻都好食，但朋友覺得個撻皮甜左一D，我都同意。

製作過程比預期中的快，平時要到夜晚差不吃飯前才能完成，但今次整完都係6點幾，我仲可以打幾舖~真開心。老公本應由輸變嬴，但係我接手打就輸~輸左少少，唔緊要有成功既作品足補償返夠我開心lu。

好好味~蛋撻

滴滴式式~蛋糕仔

Home Sweet Home