拍拖行街街~好開心

今日同老公去左油麻地〝二德惠〞買麵粉預備整〝馬仔〞，上到去老公問點解咁多人，我解釋可能就黎〝中秋節〞大家黎買材料整月餅，行左一陣都唔想行就去左排隊比錢，係排隊其間見到

〝牛角包焗管(楊極)〞可以用黎整卷筒麵包。之後就去左旺角〝吉吉島〞10蚊店，我想買多4個蛋撻模。我見到係扶手電梯口有張poster印有〝米奇〞、〝米尼〞、〝唐老鴨〞，我緊係睇下講咩喇，原來係購物滿$100就可以用$19.9換購『迪士尼米奇與好友購物袋』1個，咁我地就開始 shopping。

我地行左差不多一半地方，望下架車同老公講都係得一個刨咋，因為老公幫我搵蛋撻模，但係搵唔到，我唔信再去搵都係冇，因為我好耐之前已唔見有~可能冇得賣，而個刨係買比阿婆~屋企個刨唔好用。我地就繼續行另外一半地方~行行行，再望下架車又多左幾樣野，其中2樣係買比阿B就係熊仔樽蓋連飲管&廚房交剪~阿B專用係屋企剪碎食物！突然老公話想買個模型盒裝巴士，我即刻叫好~行番去睇，其實好耐之前黎過老公已想買，但老公個人不是亂花錢的人與我就不同，所以老公話想買我都非常開心和鼓勵，因為係一件難得的事。在我地折返途中我

〝死心不息〞又再去搵多一次蛋撻模，但結果真係心死喇！老公睇睇下又想到D問題唔買，我即刻諗方法幫佢解決晒，最後老公搵左一個模型盒得一條不覺眼的花痕，睇睇下我又想買一個，但係.......

我：都係等遲D搬才買。

老公：咁我又唔買。

我：點解？

老公：搬屋後才買，搬屋會整爛。

我：我唔係怕整爛，而係我set〝米奇〞都有野裝住，唔係必需品可以唔買住，同埋我想換個〝米奇〞袋要買$100，而家得5樣野。

老公即刻望住我唔知好嬲定好笑就將個模型盒放係架車到，跟住同老公講我唔買個模型盒可以留黎買其他野丫麻，如果你又唔買我又可以買多D野，我見到老公個表情係冇我咁好氣。到收銀處結脹，老公同收銀員講要揍一個〝米奇〞袋，點知冇晒得返display~都冇所謂喇，老公話如果冇佢全部野都唔要，〝嚇死我喇〞以為冇添，因為有時display係唔會賣架麻。

老公話去〝和花亭〞開餐，但去到排長龍~見此情境即焛，我地轉移去食河粉，跟住坐車回家。