青檸棉花糖、菠蘿椰林棉花糖

食譜請瀏覽：

http://hk.myblog.yahoo.com/jw!e4FTxkCfHxiNryF7_X3Kboo-/article?mid=161&fid=18

首先我要〝多謝老公〞

先，因為尋晚老公放工咁攰都幫我湊阿B又陪阿B睡，我才可以整到我喜愛的〝棉花糖〞。

尋晚要整蛋黃汁〝玉子豆腐〞做餸，咁D蛋白點算好呢？呀！不如整〝棉花糖〞，還掂有4盒啫喱粉買左好耐都未用，點知一睇有2盒食用日期最後今日，有一盒過2日到期，另一盒就出年3月，所以我會係一、二日內再整多一次棉花糖。

入雪櫃前~上面2幅係〝菠蘿椰林味〞、下面2幅係〝青檸味〞

2種味、6杯啫喱、任君選擇。

於是我就做左〝

青檸棉花糖、菠蘿椰林棉花糖〞，我只用左食譜1/3的份量做，有剩的啫喱粉我做左6杯啫，每一種味各3杯。因為上次整荔枝味有很多人都覺得酸，所以整青檸味時加多了1/2茶匙糖。大家食過後都有不同意見。

我：味道淡左D、內部結構比較鬆，冇出面的那麼實

老公：青檸棉花糖好酸

，而菠蘿椰林味比較好。

肥仔：椰絲多左D味道淡了一些。

娣婦：味道剛好，比較適合佢自己，但內部結構比較鬆。

 棉花糖與啫喱的製成品

〝青檸棉花糖〞比〝蘿椰林棉花糖〞結構實，因為我做菠蘿椰林味先，在整完後我倒入個盒內，但發現比較麻煩，所以我做青檸味時打完蛋白就倒入盒內，再加埋其他材料繼續打，於是就有2種口感，不過整體黎講都係鬆。

我預備送比小朋友吃的。

壽星公

尋日返到屋企就見到阿B個頭瘀左，原來係頭先係肥阿哥屋企又再次親吻大地，但阿B依然都係咁頑皮。今晚阿B係最後一餐奶中場休息時，我坐在餐枱上寫Blog，我看見娣婦由房抱出廳放地下，之後入房取回奶樽時，我跟住睇過阿B係地爬都冇野，同平時一樣，點知突然〝砰〞一聲，阿B個頭撞落我坐緊既櫈腳上，我即時抱起阿B，見到佢個頭就好似〝壽星公〞，我心諗要唔要去睇醫生呢？我即刻打比老公報告情況，

我以為係再撞番尋日瘀的地方，因為都係好輕微的撞~平時都會有，但都不會有任何損傷，今次竟如此~勁！見此情況即刻烚雞蛋幫阿B〝碌碌〞，再睇真D這傷是新的，真淒涼，阿B〝對不起〞！

是日晚餐

蛋黃汁〝玉子豆腐〞

上次我與肥仔帶阿B散步兼曬太陽去間隔村，我順便買阿婆鍾意食既

〝玉子豆腐〞回去煮比佢食，點知〝玉子豆腐〞個蛋黃汁又香又好味阿B好鍾意食

，而蛋白用左黎醃豬扒。今日就與阿婆帶阿B去

〝玉子豆腐〞&買埋其他餸順便曬太陽，可惜這次個汁就用全蛋就比上次瞬息一些，所以阿B不太喜歡吃~食左少少，不過上次賣相真係靚好多。

全蛋汁〝玉子豆腐〞

我用左尋日買的

〝XO〞醬炒紹菜，但我打開覺得與之前不同。肥仔覺得冇之前咁好食，我問佢係煮得唔好食定係個醬唔好食，肥仔都話係個〝XO〞醬味道與之前不同。

〝一字排骨〞好食過上次，今次我都係冇加鹽，但我覺冇上次咁酸~可能問題係檸檬到。肥仔用汁撈飯都係有些酸，不過好左，如果骨連汁一齊食就沒有問題。

食譜請瀏覽：

http://hk.myblog.yahoo.com/jw!e4FTxkCfHxiNryF7_X3Kboo-/article?mid=735&prev=739&next=716

〝洋蔥炒肥牛〞唔知煮咩是但加多樣，因為方便快捷易煮丫麻！

大日子※3週年結婚紀念

老公你知發生咩事，你話會改架、唔會有下次架，下次再係咁我就........

 

尋晚睡得不是太好，睇下個鐘8點幾就決定起身，於是趁各人睡覺時，我就繼續寫埋未完的文章。我地比預定的時間遲了出發，因為我掛住寫野唔記得叫老公起身！臨出門口前我叫老公記得提我幫

琦琦買〝XO〞醬，因為前幾日琦琦上我個Blog知道我星期日去〝大奧〞，她就託我幫佢買一盎〝XO〞醬，但想買沒有〝蝦米〞的~因為她覺腥，如果冇走〝蝦米〞就照買。一切已準備就緒出發喇，我地要轉2次車才可到達目的地〝大奧〞。

我地坐巴士去到葵芳食早餐，但間自稱餐廳的茶餐廳就麻麻～又貴又唔好食，我地睇左好耐老公才選擇食〝豬扒煎雙蛋〞併〝炸菜肉絲火腿公仔麵〞轉〝出前一丁〞，但係老公一路食一路彈

〝點解煎蛋&豬扒都係凍、豬扒靭又乾〞、奶茶又冇味非常不滿，老公只咬了一口蛋&食左一半麵，而我就〝黑椒雞牛扒飯〞~雞扒靭又乾、飯微暖、少汁、雞扒仲細過我隻手、間間牛扒一向都係細細塊，我可以接受，但唯一不滿就係價錢~真係貴左D

，呢個早餐花費60幾蚊。老公食完一肚氣既早餐，我地又踏上酷熱的征途。

現在要坐入機場的巴士，這班車比老公預計的遲來，我地大約等左半小時。在車上可以一齊觀看沿途的風景是很難得的事，因為老公通常都睡了。巴士已到達東涌後，我地就係

〝消防局〞下車，再行去〝東薈城〞的巴士總站坐巴士入〝大奧〞。在車上我同老公講一定要食〝阿伯雞蛋仔〞，阿伯係用炭&炭爐燒的，上次食過好好食

~

外脆內軟。

介紹〝大奧〞歷史的地方~

上年行過係關門，今次開左門原來放什物~

有牌寫住隨便影相架！

落車都見到好多人，因為有本地&外地旅遊團。我地經過買

〝XO〞醬的地方，再行過橋去對面買〝阿伯雞蛋仔〞，但今次冇上次咁好食~不夠脆，可能係上次紙袋上有好多個孔疏氣，今次只是用交剪吉左一個小孔。

〝阿伯雞蛋仔〞~正

老公口渴想買野飲，但聽到有豆腐花又想食，於是我地入左一間有冷氣&電視的舖頭食豆腐花，我見到豆腐花非常碎，不過唔係問題，當我吃了一口時的估怪面部表情，老公即刻問我咩事....

未食已爛晒！

我：好難食，你唔覺食落口有好大陣水喉水味，又〝鞋什什〞，但點解你食既。

老公：山水豆腐花丫麻！

我：山水係咁既味架咩？上次係寶蓮寺食果D唔係咁既？

老公：咁唔好食囉！

講完之後老公都冇食話一陣叫打包拎走，老公又問我。

老公：係咪變左，點解散晒？

我：唔係！一係〝But〞得唔好，一係係最尾。

坐左一陣老公同人講趕時間要打包拎走，之後結賑，跟住我地又四圍行。

〝大奧〞街道~兩旁有好多野食&手信！

見到有扇賣，因為老公頭先係黎

〝大奧〞的車程中整爛左把扇，我就叫佢買番一把，正當老公選取中比我見到有〝鵝毛扇〞~記得有人講過很少有〝鵝毛扇〞賣，我即刻問幾多錢，〝是油婆〞都話賣一把少一把，之後一齊撥住行，我同老公講〝諸葛亮都係用佢架〞。我地經過一間舖，有個叫賣的婆婆都話〝孔明借東風都要靠佢(鵝毛扇)〞。

諸葛亮都用既扇~

行前些見到有老公喜歡的〝魷魚〞，當然要幫襯下喇！我喜歡伯伯剪魷魚時好得意，好似做〝大戲〞咁~有功架，而我亦喜歡伯伯的金句

〝阿伯燒魷魚、口講講唔到、食過知道好〞，伯伯會問你要〝辣〞定〝唔辣〞，選〝辣〞就會問係〝少辣〞定〝多辣〞，我梗係選〝多辣〞喇！之後就去左買紫菜。

有〝大戲〞巧架的魷魚伯伯~

上一次我地經過2間屋中間的狹窄的小路，在小路前有一條橋，老公係橋下一邊發現有好多蟹，而另一邊有好多蟹洞，正當我地走時之前在路口騎單車的男子要入，我地退後讓他先過，單車男子同我地講可以過橋行入去睇下

〝棚屋〞，不過老公怕有狗~冇入去。老公話〝呢到D人都唔同，好nice、好好人〞。實在太熱~我同老公講去買〝XO〞醬跟住走。

紅圈就係蟹喇！仲有好多我搵唔到，睇下你地又搵唔搵到。

全部都係蟹洞~

唉！

〝XO〞醬唔同左既，老公話好似貴左喎，店員話係貴左，但個size大左，其實係平過之前，咁我問有冇走〝蝦米〞的，店員話全部都係用〝蝦米〞做的，於是我就買左3盎，其中一盎係琦琦既。

矮的是舊，高的是新！

真好不用等去到車站有車，上到車後張櫈好熱、窗框係燙手、幾乎冇既冷氣，老公馬上撥扇，之後收埋扇動用風扇仔，但我又接受到，因為與老公相反，我怕熱，但我耐熱。在車程中途老公感到暈，立即飲水&睡。

落車後去

〝東薈城〞行左一陣，但中間發生左一些不愉快事(唔想再提)，晚飯都冇食就回家，回到家剛好開飯中，我就叫家人預埋老公(我屋企通常會煮多少少飯)，我唔食，因為一肚氣好飽，我到11點幾才煮了麵吃。