Wii

老公上個月話比一個Budget我任我買，所以我就決定買Wii，其實Wii我都玩到有點悶，冇又點解會玩到悶呢？因為肥阿哥早在3年前已買左，我地每人都有一個人物添架！

今次我買Wii目的係減磅，平時我冇人陪我做運動，有左Wii就可以係屋企玩之餘，順便流下汗和郁動一下，我每次玩Wii不論什麼天氣，都會出一身大汗。

今日等老公放工，然後去肥阿哥幫襯開既game舖買，隨機附送〝Wii Sports Resort〞，即係洪金寶買廣告果隻，而手製連雞脾有2 set，又有基本手製套兩個，仲有2 set動感強化器。

我買Wii塊板係〝Bee牌〞，它不是翻版，只不過係不同廠出，但平過平時〝799〞果塊，一樣又係有隻〝Wii Fit Plus〞送。

我買的全是正版，我與老公全部都試過一D問題都冇，主機係原廠貨，所以有一年保養。