最後一天@第44屆工展會

今日我獨自一人去〝工展會〞，事關尋日開心果又去左工展會買左把好平既陶瓷刀。我想買陶瓷刀好耐，見咁平又心思思想去。

我原本想約埋阿媽去架，但係佢怕多人，所以最後都係自己晏晝就出發，但阿媽就叫我幫佢買蠔油。

最後一日通常都唔會返貨，但今次我見有好多品牌仍有入貨，雖然價格冇減價，仲見有好多人買添！當然我都係一份子喇！

我冇吃早餐，臨出發前吃左包梳打餅，入到會場又去食杯〝乳酪雪糕〞已足夠。

嘉頓：〝開心包〞已售罄，要加加班包裝先有貨買，貨架上已空空如也。

壽桃牌：永遠都係咁多人，迫都迫唔入既。

壽桃牌和李錦記都加碼。

陶瓷刀：一把只售168蚊，送一把刀和刨。這就是我再去〝工展會〞的目的。

李錦記：優惠福袋與上星期不同，價錢仲貴左5蚊~65蚊/set。

壽桃牌：有4包麵、上海麵和一盒鮑魚麵，都係50蚊，上次我與老公都想買，但試食close左，今次再去仍好多人買，我見最後十set，而返既貨都冇呢D，所以我就買左。

長城牌：老公最愛的〝火腿餐肉〞，40蚊3罐(340克)。