拍拖〝11週年〞紀念日

尋日老公全公司放假一天，老公趁此就陪老爺回鄉辦D事，而我就諗住整我與老公都鍾意食既〝蝴蝶酥〞來慶祝〝拍拖〝11週年〞紀念日〞，但冇酥皮專用油片，所以我就計劃回娘家湊阿B一齊去街。

我買完材料，再帶阿B去食lunch，然後再去公園玩，阿B食左成碗面，又玩得好開心唔捨得回家。帶左阿B回娘家，再回家都已是4點幾，又執下野都攪到6、7點先開始整〝蝴蝶酥〞。

我諗住可以係老公回來前整好，跟住到十二點先拎出來，但太遲開始又要雪太耐，所以趕唔切老公回來時整好，沒有了驚喜，不過老公都好鍾意食，一陣就食左1/3喇！

老公一早諗好去〝Burgers Box〞食漢堡慶祝，但之後點都未諗到，剛巧12點幾開心果來電想去〝第44屆工展會〞，我都想去架！但之前問過老公和熊貓佢地都冇興趣，我緊讚成喇！所以我地就約好係中環等醫肚後，再戰〝第44屆工展會〞。

〝Burgers Box〞唔係露天，但就位於碼頭，四面沒有遮掩，若果天氣冬去的話要著多件衫。老公都讚好味，實屬難得，所以有機會會再去幫襯。

我地食飽又坐係到傾下計，然後3點幾先坐叮叮去〝第44屆工展會〞，大家都大豐收，開心果晚飯要回家吃，所以6點幾佢就走先，而我地又繼續行。

我與老公又唔知食乜，回到家立抖一陣，就煮左頭先係工展會買既桃牌〝札幌麵豉湯烏冬〞做晚餐，真係好方便水滾後煮2分鐘就食得，味道都OK，仲有魷魚絲做餸，又係頭先買架！