聽而不見的態度

今日又想整餅，又想去街，都唔知點好。我成日〝懶〞的唔起心整，而平時用開既水樽條帶又爛左一半。老公食完飯來電，我就問佢整餅好？OR去街？佢叫我去街。之前問過全線〝Trandyland〞門市米奇水樽斷貨，咁我就去長沙灣〝Trandyland〞開倉碰下運氣喇！

我就打比娣婦，叫佢打去學校，我約3點湊阿B放學，然後去長沙灣，再去荃灣，娣婦聽到我去荃灣好開心，佢咁啱與同事講緊〝荃新天地〞有間食烏冬好好味，咁今晚就吃它。我見阿嫂係facebook on-line左，我就試下打比佢，今日阿嫂放假，所以我就約埋佢陪我和阿B行街。

我地上到去發現這裡不只Trandyland，仲有其他品牌在這開倉，入門口左邊就係買小童服，前面就係床上用品，再前D就係零食物語，Trandyland就係右邊。

我地係付款時發現阿B痾左臭臭，咁我就問Trandyland Staff借矛厠，有位黑衫女子話唔外借叫我用商場的，我轉頭諗下阿B痾左要換片啵！同埋好似商場冇矛厠，咁我就再轉頭再問黑衫女子，佢居然扮聽唔到轉頭與另一位男同事研究公事，咁我就不停叫〝唔該〞，果位男同事都向黑衫女子示意幾次有人叫佢，但佢當聽唔到，最後有位肥胖帶不悅表情既女子都係話唔外借，我已表明幫阿B換片，依然都係叫我地用商場。

落到商場就週圍搵下，好在真係有，咁又係冇佢地又點會咁講呢？但係我覺得咁既服務態度就唔得囉！當時我真係好罄，而家咁難搵野做都咁既態度，莫非佢係十項全能唔優搵唔到。

我考慮買唔買甘大滋比老公，阿B就幫我決定左，佢二話不說拎起捏爤左一盒，順便買埋老公鍾意吃既點心麵，近排又懶整餅，買多盒曲奇比老公喇！

夜晚就去左娣婦話烏冬好味既〝WARAKU〞，呢間係專食烏冬，而且有3個湯底出名：清湯、奶油和咖哩，但估都估唔到係由星加玻傳入，與上〝PASTA de WARAKU〞同屬一集團，但〝PASTA de WARAKU〞又貴又唔好吃，呢間一碗普通鳥冬都要4、5十蚊，但都有好多人幫襯。

等位時有野飲，但只係見得一次，可能要人多等就有。汽水唔多，但粒冰就大，有麻雀咁大粒。我見隻杯〝的的式式〞又硬，所以拎左回家。

唔知係咪見我地等得耐，等等下又送多條手巾仔比阿B。

這間烏冬真係好食，麵質好煙靭，個碗好大，而份量冇多到，都係一個烏冬到。其他就麻麻地，來這裡吃烏冬就可以，這裡的麵就即係烏冬。

豬扒咖哩湯麵：烏冬和咖哩都好味，但豬扒就一般。

蛤蜊湯麵：成碗都好味，湯帶有蛤蜊味，仲好清甜。

日式蒜香炒飯：飯好油，表面睇好似〝油飯〞，又有好大陣麻油味，我諗都係用麻油炒或最尾用麻油撈，飯淡味。

日式燒餅：料少粉多；原隻陶板魷魚燒：靭、汁又苦苦地。

天婦羅蝦壽司卷：成舊食好味，壽司飯又夠酸，但我食蝦尾部份時就麻麻，炸蝦已過氣，一D都唔脆。

芥末八爪魚：呢碟真係又貴又唔好食喇！好鹹又唔辣，份量又少，個兜等於豉油碟咁大咋！

炸蟹餅：好味，食滿二百蚊用匯豐卡簽脹就會送架喇！

可爾必思冰淇淋：肥仔order，佢話好甜。

晏晝出門口湊阿B，落到樓下才記起我未食晏，回到娘家阿婆烚左我包既糉給我吃，呢隻就係得瑤柱~好味，趕時間吃左一半。