慰勞〝蛋沙律〞

老公真係忙到震，上個月開始老公每晚都要O.T.，要成8、9點先走，都試過2、3日可以7點幾走既。原本返5日工既佢忙到連星期六都要返，尋日係星期日又係要返，好在端午節可以放假抖下，唔係就慘喇！今個月都會是這樣，即係老公冇時間陪我。

佢咁夜先返，有時我想煮晚餐都唔得，咁夜食唔係咁好嘛！其實，老公鍾意食住家飯，但冇計喇！

今晚我想煮意粉，問左又係咁夜放，咁我唯有食麥皮，不過，我整左老公鍾意吃既〝蛋沙律〞，就用它來慰勞一下老公喇！

原來唔止老公一個咁忙，仲有迪迪爸，尋日為了下個月將嫁去法國的〝茜茜〞，約左去迪迪媽家聚，但迪迪媽病了唯有取消。茜茜下星期六去法國，今日再與迪迪媽約時間，但係迪迪爸又係要O.T.，好多時12、1點先放工，什至乎有時要通頂，所以迪迪媽抽不到時間，所以只好等茜茜與丈夫年尾回來時再聚。