LEGO禮物@老公生日2009

今次我冇諗過煮乜，可能因為咁多年腦汁都用盡。尋日問左老公想食乜？剧唔剧扒？佢話唔知又唔剧扒。

我12點幾開始諗煮乜，有左個概念後，1點幾就去左〝Taste〞，諗住邊睇邊諗，見到D野可能又有idea呢！足知就煮左呢D野嘞！

今餐老公比左7分我，點解得7分？因為佢話冇乜特別喎！今朝叫左阿婆煮多大半飯，我係用來整〝Rice扒〞，將D飯整到圓形再拎去煎，再掃汁，但今次係第一次整，而且飯唔係好夠，所以散散地，煎完唔多似圓形。

我諗住腸就煮上次〝香港美食嘉年華2009〞買既台灣腸，但係記起肥仔和娣婦係台灣買左〝黑橋牌〞，所以拎左2條原味、2條蒜味。老公鍾意〝黑橋牌〞，因為冇咁多肥膏。

香煎帶子

香草焗薯

吞拿魚沙律盅

綠茶慕絲蛋糕

我差D忘記左呢份禮物，我整相時才記起，送比老公時，佢面冇表情，我都知佢以為我用錢買，所以咁既表情，其實，係我尋日係〝冒險樂園〞換既。

老公話點解唔換士兵果D，話明換又邊有咁啱呢？原來老公鍾意LEGO士兵，老公小時候既LEGO都係兵仔、馬仔，佢仲keep到而家架！但有D兵仔和馬仔都唔見左。

近幾個月我好似中毒一樣，掛住玩facebook內既game，所以冇巡blog，雖然如此，但估唔到尋日有咁多人瀏覽我個blog，從未試過有咁多，真係多謝大家支持，希望我中既毒可以快D解喇！