罐頭刀殺手~就是我

我與高達叔叔約定去〝牛頭角下邨〞影相，約左下午2點半係間廟到等，我地影左個幾鐘就影完。我見有D餓，而老公又出緊來，但未食野，所以我地就去左〝麥麥〞坐低食D野，等老公來到一齊再吃。

我地入到〝麥麥〞冇耐，就開始落雨，真好彩影完先落。食緊既時候，開心果姐姐來電，在附近一陣來找我地，行左一陣老公到，齊齊去大家樂食野，開心果姐姐要回家吃飯，所以行左一陣就回家。高佬叔叔和女友由德福果邊，過來陶大join我地。我地又去左幾間傢俬舖睇，老公又問下價咁，然後又行去德福睇家電。

晚餐時間又到，高佬叔叔女友提意〝肯德基〞、高佬叔叔提意〝麥麥〞、高達叔叔又提意另一間，老公全部都唔鍾意吃，但一次半次都OK既，而我就樣樣都啱，我家附近〝肯德基〞摺左，所以我就揀〝肯德基〞。

食飽飽再去〝宜家〞行下，睇傢俬之餘又可以幫助消化，行行下先記起要買罐頭刀，因為上星期老公生日當天，我又再次整爛左把罐頭刀，呢把用左唔夠十次，呢把係第幾把我都唔記得，我係短短一年內都數唔清爛左幾多把。

罐頭刀又係被我扭爆，但今次係齒輪有兩條裂痕，但我都唔明點解會咁，以前娘家果D我都未用爛過，而家搬左這裡就成日整爛，希望今次呢把壽命可以長D喇！