不禮貌的眼鏡服務員

今晚我要去整D野，又咁啱係眼鏡舖附近，原本我係想約熊貓姐姐陪我去，但係佢今晚有約，所以我就約肥仔，因為老公想見阿B，不過娣婦今晚有約不與我地吃。

我湊左阿B放學嗱嗱淋幫佢洗白白就出發，約左肥仔係目的地等，我辦完事一齊行去配眼鏡。

尋日我已有2副心水框，但肥仔都話唔好，咁我繼續揀，阿B緊係又係到揀喇！店員行左係我與阿B之間低頭執眼鏡，與此同時佢又講左D野。

店員：唔好整亂D眼鏡。
我：Sorry！
我、肥仔：阿B唔好攪喇！
店員：〝摺〞~〝喺〞~

阿B都係唔聽，肥仔就好大力打左阿B手仔一下，成隻手又紅，又有幾隻肥仔拍印，阿B即時好down，僕係肥仔到，我叫佢都唔應我，可想而知佢幾唔開心，我拖阿B過來我到，然後比〝Pingu〞佢睇先冇事咋！店員入左房就我話‧‧‧

我：咁既服務態度真係唔得。
肥仔：我頭先真係想鬧佢。
我：咁你又打阿B。
肥仔：咁阿B真係唔啱嘛！

當時我聽到佢又〝摺〞~〝喺〞~，即刻〝無名火起三丈高〞，我都好想鬧佢，但真係阿B唔啱，為洩我心頭怒憤，所以之後我既態度都有D寸。

老公知道就問我：『你仲係到配？』，我都唔知，我冇諗過去另一間。眼鏡下星期就有得拎。

這間眼鏡舖係上樓既，得兩個職員，一個係房負責幫人驗眼，另一個就係舖面，但係舖面換左人，可能之前果個冇做，以前果個好helpful，又好人，又會比意見你，而家新呢個係後生仔，只係會夠鐘就趕客走，好似我尋日咁〝老公約我食晚飯〞，我唔係歧視後生仔，不過，我覺得佢既工作態度唔得。

之後又去日本飯堂食晚飯，去到見到娣婦同事一家都係果到吃。