米奇特大計算機

書檯上的計數機壞左好耐，但一直都搵唔到心水的，我既心水緊係米奇喇！其實之前都買過一部米奇計數機，可惜它是太陽能，不能入電，但我家沒有陽光，只有靠燈光，但每次用都要舉高接近天花板的燈才用到，真係癈時失事。每次行街我都會留意，但次次都係冇米奇款。

上星期係冒險樂園換LEGO比老公時，被我發現到呢部計數機，可惜我唔夠票換，所以尋日高達叔叔係陶大既冒險樂園過左票比我，仲幫我check到我家附近有貨，咁我諗住今日去換，臨出門口前執銀包睇單，發現到D野，當時真係激到我彈起。

我發現到尋日冒險樂園過票既單，原來係我張咭過左票比高達叔叔，我都話明唔夠票換，仲係我到過票比人，係咪唔合邏輯先，都唔用腦既。我check過好多舖都冇晒貨，換唔到我緊係唔開心喇！

我有諗過，搵高達叔叔過票比我，然後再趕回家換，但高達叔叔話咁趕就唔好喇！高達叔叔叫我請佢食飯，佢就過來找我，但咁樣我又唔好意思。老公和高達叔叔溝通過，結果老公可以早收工，就找高達叔叔拎張咭，若唔可以放早，就要高達叔叔過來。我落去睇左肯定有貨就通知佢地，如計劃地進行，最後都係要高達叔叔來。

我地去左食韓式晚飯，我估唔到老公會來呢間，所以冇拎相機，老公話請高達叔叔食飯緊係要食好D喇！我地唔收佢錢，但佢點都要比返錢我地，真係又多謝又麻煩晒佢，而且又唔好意思。