開心喧嘩@老公生日派對

12 April 2009

上次〝沒老公開心自由行〞食晚飯時，已book左今晚7點來這間樓上Cafe幫老公慶祝生日，名義上係幫老公慶祝生日，但實際係大家聚下，因為難得就到時間，有D都已4、5年冇見。

大家坐埋就講返以前寄宿既趣事、曳事和樂事，不過，熊貓姐姐有D事都唔知，唔係因為佢係女生分宿舍，而係佢係唔係寄宿生，所以有時老公佢地會叫佢和至Fit姐姐幫手帶貨架！咩貨？梗係野食喇！雖然我唔係佢地同學，但都聽到捧腹大笑，每次聽都可以笑餐飽。

今次我地係以BBQ型式，仲係自己燒，我最鍾意BBQ，但我冇乜機會埋爐，因為已經有兩個高手。

老公唔多鍾意食蛋糕，佢比較喜歡Cup Cake，但高佬叔叔女友與我一樣都好鍾意食芝士，所以我就整左個芝士蛋糕。

同屋住大女話要睇大電影，我抓晒頭咩大電影呢？我叫佢帶我去，原來裡面有個投射播放緊賓尼兔卡通，後來細女都來找我，咁我地就一齊睇。

睇完返出去，就發現有泡芙食，原來係高佬叔叔女友記起，呢個BBQ餐送的〝墨西哥脆片配鮮番茄醬及蜜糖乳酪〞沒有來，經理就用泡芙作出補償，但一放低已一掃而空。老公就與經理講，經理再比多兩粒，而我就有得吃嘞！

大家都傾到唔捨得走，可惜要打洋。回到家記起上星期老公生日既〝綠茶慕絲蛋糕〞仲有兩個未吃，所以大家洗白白後就吃，我問老公可唔可以吃晒兩個，佢話No，食食下又叫我吃剩半隻比佢。上次問再整佢會唔會吃，佢話唔知，今再問就話會，我聽到不知幾開心。