包糕酥

今日一早起身去迪迪媽家，因為約好大製作。

我地預備整菠蘿包、芝士腸仔包、一口蝴蝶酥和一口蛋糕仔。

今次冇失手，全部都成功，食譜可以去我以前的網誌有。

雖然有Miss既食譜，但我冇用，全部都係用回自己用開的。

我每次整〝一口蛋糕仔〞都好受大人和小朋友歡迎，所以都好受迪迪歡迎。

麵糰比預期中快起薄膜，只用約15分鐘就攪掂。

平時係學校麵糰很難滾圓，但用自己既食譜不用一分鐘就圓喇！

麵糰又發得好靚，菠羅包可以媲美麵包店，咁多次今次最好味。