Notebook Cooler

老公成日都話Notebook好熱，一熱就慢，好想買把風扇擺係底吹，雖然Notebook係老公買比我，但都係佢自己用返，而我就用Desktop，因為Notebook用Vista有某D整相software唔支持，對我來講唔方便。

今日可以抽到時間去深水埗睇下，高達叔叔都想出去睇相機袋，所以就約係深水埗等一齊行下。

我與老公坐巴士去到長沙灣以前7層高工廠大廈附近開始塞車，有位乘客向司機提出請求落車，咁塞我地都落車行過去，去到西九龍中心附近知道咩事塞車，原來有人遊行，這次係我嘗到遊行塞車滋味。

我地塞車，加上高達叔叔早到，所以佢自己去左睇相機袋，但都冇啱心意。大家會合後就去左〝黃金〞和〝高登〞，有好多擺底風扇好似唔多了強勁，我地都有考慮過買擺hard disk內的風扇，然後自制，但又好似好麻煩，最後就 cheap cheap地買左呢款。

我地又有去鴨記，老公見到有老爺電視搖控代用品，老爺電視搖控壞左好耐，問過好多地方都冇，連行都話太舊唔出，見又平平地又買來試下。老爺和我家電視牌子一樣，回到家老公試用新搖控control電視，真係得啵！咁老爺果部都應該冇問題喇！

家中厠所有問題，之前老公整過好多次都唔係好得，咁行完街又冇地方去高達叔叔又來我地家幫手整厠所，雖然買左成組野換都係有滴水，但好左好多，晚餐我地就就求煮麵食就算。