今日我一心與老公去荃灣〝嘉樂冰廳〞吃早餐加午餐，見網上有好多人都話好想一試，之後就出去深水埗行街。
行經〝蘭香茶餐廳〞排晒長龍，我同老公講我地唔係去呢間，仲心諗咁多人今次試完〝嘉樂冰廳〞，下次就試你先。我地去到〝嘉樂冰廳〞都係排晒長龍、人山人海，我地緊係唔得喇！老公話求其食碗麵算。
我地就去左隔幾個舖位食麵，入到去都冇乜位，而且不停有人走又有人來，有D仲係熟客，多人原因可能又係我咁想去試又試唔到就求其搵間。
外表睇嚟唔多好，又冇乜特別，但實際又唔錯啵！不過，又唔係好出色，但都想介紹一下，因為若果有朋友又好似好咁，都可以揀下呢間。
牛腩飯 (午餐)：我飯桶緊係我order喇！碗牛腩和蘿蔔都有好多，係用食麵碗盛住，個汁有好香蘿蔔味，飯有3-4碗，份量真係好大夠兩個人吃，但又唔貴啵！只係26蚊，凍飲加2蚊。
茄牛通+腸仔腌列 (常餐)：我就覺得一般喇！但老公話OK，不用加錢都有烘多士吃，烘到表面脆，內裡就軟軟的~好味。只係24蚊，又係凍飲加2蚊。
地址：荃灣新村街48號地下
電話：2612 2797
嘩, 咁多牛腩, 幾抵食喎 ~ ~ ~
回覆刪除[版主回覆07/14/2009 13:12:00]係丫~唔大食，兩個人都夠食。