今日與阿媽齊齊約左去針灸，所以今朝一早起身整〝老婆餅〞送比針灸師，阿媽整比人食新鮮好D喎！我又係整左十個，送左4個給針灸師，其他都留給家人吃。
上次自己懶唔想焗咁多轉，全部都壓得唔夠扁，但原來想好食真係唔可以懶。今次我就壓得比上次扁，但時間上就要用多D，用多D唔緊要最緊要係有好反應，老公話〝餡少D咪好多好多囉！〞，其實邊有少到呢〝傻仔〞，只不過係視覺影響，跟住心理上覺得啫！
我有時好似大肚婆咁，因為我會突然間想食某一樣野，就好似今晚咁我唔想食麥皮，我想食炸雞脾，但諗諗下都係唔好食炸，食滷水好D。老公放工就係屋企附近幫我搵，炸脾都難搵更何況滷水，所以攪到佢自己要返來煮麵食，因為唔夠時間佢要趕回來睇〝烈火雄心3〞。
今朝踎低起身右邊條腰就痛，而家要扶住坐低和起身，右邊肩頸又痛，針完右邊手既〝虎口〞位痺腫，全部都係右邊發生。明天要去書展，希望明天條腰冇事喇！
今次進步咗好多啦,整得好靚仔 .
回覆刪除[版主回覆07/27/2009 20:30:00]多謝~我好開心丫！
真係好靚呀,唔知我個焗爐整唔整到呢
回覆刪除[版主回覆07/27/2009 20:30:00]下次試下就知喇！你有時間就約我一齊整喇！
真係要扁d先好食, 我上次一次整都係厚o左d, 食落無咁正, 等我搵日都再試過先得.
回覆刪除[版主回覆07/27/2009 20:32:00]朋友都話似街果D，很受歡迎，真係好開心。
今次靚好多.....扁d係唔同d ....要靚就要多d功夫同時間, 冇計~
回覆刪除[版主回覆07/27/2009 20:33:00]真係唔懶得。
條腰好點了嗎 ?
回覆刪除[版主回覆07/27/2009 20:33:00]仲有少少痛，但就不用扶，都好左好多架喇！多謝關心。