全牛宴@結婚5週年

今日係我與老公結婚5週年紀念，平時生日、拍拖或結婚週年紀念日老公都會請假，可惜近年老公公司好忙，忙到星期六要返工，有時連星期日和公眾假期都要返，所以今日冇請假，但我叫左佢星期六不用上班，就要陪我補數。

我都係前日先諗到煮什麼，尋晚問左老公〝食唔食甜品？〞，佢話唔吃，仲好我慳返。今朝8點幾起身預備晚餐，其實今次都冇特別煮咩，只係簡簡單單煮一餐算。

今日我煮既〝日式咖哩牛腩飯〞和〝羅宋湯〞用料都係一樣，一早煮好只要臨食前番熱就可以，係咪好方便呢？老公9點放工，食埋、洗埋碗都差不多11點。

我問老公〝十分滿分，今餐值幾多分？〞，老公給我8分，佢好鍾意個〝羅宋湯〞。〝羅宋湯〞飲唔晒，我話倒，老公話唔好，咁我就棄掉一D渣，將剩餘的入盒放入雪櫃。

湯和咖哩都有剩，湯老公明天會飲，而咖哩佢就唔吃，因為佢明天可能仲夜，佢預左明晚會煮麵吃，所以後日我拎返娘家。

我煮好晚餐，食個麵、休息一陣又開工，我預備整〝酥鬆性小西餅〞送給老公。我趁老公一洗完白白出來，就送到佢面前，不過，佢話食唔晒，叫我拎D回娘家。