日式咖哩牛腩飯 (內附食譜)

雖然今日係結婚5週年，但我都冇煮什麼特別野，只係整左一碟碟頭飯，就係〝日式咖哩牛腩飯〞，咖哩仲要係用現成咖哩磚。

我用〝巴西牛仔腩〞不用燜太耐都腍，可惜有筋，所以老公話靭，但我偏偏喜歡吃筋，冇筋既地方就腍。

我不懂煮飯，所以係街帶左個〝靚仔〞回來，然後加蛋炒，這碟飯老公給我6分。

日式咖哩牛腩飯

材料：(3-4人份)

巴西牛仔腩                474克

薯仔                            1個

洋蔥                            1個

甘筍                            145克

調味料：

日式咖哩磚                1盒

水                                700毫升

胡椒粉                        少許

做法：

1.          牛仔腩洗淨，切件。

2.          紅蘿蔔及薯仔去皮，洗淨，切角。

3.          洋蔥去外衣，洗淨，切塊。

4.          燒熱油，下洋蔥爆香，加入牛仔腩和胡椒粉不斷爆炒。

5.          加入其餘材料，注入水蓋過面，加入咖哩磚攪溶。

6.          待滾調至小火燜1/2小時至牛仔腩及汁液濃稠，試味後配以白飯享用。

煮後心得：

l      要不時攪拌，以免燶。