壞心情、好心情、壞心情三步曲《〝一句〞真的這麼難嗎？》

今日一早的心情已不好，事原前幾日己講好今日去街買個盒放碗、碟，但尋晚老公有少少激嬲我，所以我冇問今日幾多點出門口又冇叫老公起身。終於老公1點幾起身，叫左我幾次洗頭、換衫出街，我心想出去，但我口話唔去喇！我知道老公唔多想出去，結果都係冇去街，之後老公就落街買報紙順便買野食。

老公返黎即刻話頭先去酒樓買燒味飯的激氣野，佢話問個

〝燒味老〞~

，好似唔多想撈，問係邊到買飛，唔出聲用手指發去另一邊作回答，你要既叉燒乳豬飯~唔知佢斬頭定斬尾比你，叫佢落多D豉油比你~但唔知有冇，你盒乳豬叉燒飯又多過我叉燒油雞飯~$7，又唔係得佢一個做野，又冇人買飯，都咁既態度。打開飯盒見到老公D油朘幾靚，原來表面睇就靚，內裡全部係骨，得一舊係肉。叉燒又係得個樣，肉質好〝鞋〞，而我既乳豬估是夾了很多肥膏的中豬。我知雖然，乳豬係貴D，但其他地方都唔會貴咁多，老公話下次去另一間。

老公食完話頭痛又訓過，而我就開始執屋，雖然，之前都執過，但間屋原先都有些野，再加上老公搬黎既野，就變好多野，我想再執下，希望可以再多一些空間&不想間屋太亂~D野可以歸一D。多左D空間又整齊~得左。時間剛剛好，執完老公起身，我地一齊落街買〝U Magazine〞，因為我睇到好多Blog友都換左

〝U Magazine〞的〝名廚‧甜品 DIY Bible〞書。我地去左幾間書報攤、便利店都沒有上一期，有些地方連今期都沒有，還欠一個印花唯有要下星期才可以換到，當我一知道就即刻通知了朋友換書事宜。

我地去了

〝日本城〞睇放碗、碟的盒，但係搵唔到，行到出門口後，我突然覺得好肚餓

，晚餐又唔知食乜又唔知諗到幾時，所以我去左

〝麥麥〞買薯條食

。在萬無目的街上行，因為大家都諗緊食乜，在我腦中浮現左一個〝飯糰〞，我就同老公講：「我是但買舊飯糰食。」，老公聽到：「咁丫！買壽司食喇。」，咁樣就決定左晚餐食乜喇~。

享用完晚餐後，我就問老公：「點解你唔讚我既？」(我執左屋)，老公：「咩丫！哦！執左咪得囉！」，語氣好似係我應該做，我一聽到就唔開心，我只不過想你。好~我以後都唔執屋，其實呢句野我講過好多次，但都冇實踐，因為我一見到D野〝亂〞就會手痕忍唔住去做，唔通真係要我〝坐言起行〞。

我做既野老公都唔欣賞~從不讚，從來都唔會氹我既，我都知你返工辛苦，所以你的大小事和其他事我都一手包辦~不經你處理、不需要你擔心，有時整野比你食都係想氹下你，我都係想你讚我。每次我嬲的時候~你老是問我什麼事？難度你真的不知道嗎？難度真的這麼難嗎？

明天要去十月份朋友的〝生日BBQ〞，但我的牙肉還是腫痛，比之前好了很多，現在都不可以用門牙咬東西，全都是用大牙咬，希望明天會好返！

  

〝U Magazine〞~〝名廚‧甜品〞換購方法

‧ 剪存2007年9月21日至10月25日期間(第95至99期)，刊於U Magazine內任何2個不同期數的印花。

‧ 填妥以下的換購表格，即可於2007年9月28日至10月25日幫間到指定的OK便利店，加$18換購一本原價$118的《名廚‧甜品》。

‧每人只限換購一套，先到先得，換完即止。

‧影印本無效。

‧只限港澳居民換購。

※書內有換購地點