極度唔舒服~

紅色圈：幾個月前康復的油燙印、紫色圈：新的油燙印

尋日去朋友的生日會時已經唔舒服，今日鬧鐘響係床

左一陣先起身，因為好疲倦、肩頸好痛

、個頭痛到爆

，這一刻真的想斬左個頭同對手出黎，我當然冇咁做喇！我唔係傻架~

我叫左老公好多次都唔起身，就有D滾滾地

，又係痛得滯攪到我掹，我掹掹地對老公說：「快D起身喇！我想快D回家，個頭好痛。」，老公都少少發脾氣：「我個頭都好痛丫！」，老公再

多一陣先起身。

回到家中一個鐘內嘔左3次

，早餐食左2啖唔想食，沒吃留待一陣好些再食。個肚好脹、痛到標汗又嘔，我想是不是〝腸胃炎〞呢？由於唔舒服就叫左阿媽煮烏冬，順便比些阿B吃。

在吃午餐前我餵了阿B食粥和睡覺，阿媽叫我起身吃午餐，其實我沒有睡只不過不想郁，我吃午餐後跟住睡在阿B旁

，到阿B起身就餵他吃烏冬，阿B很喜歡吃。之前攤抖左一陣好了一些，帶阿B落街幫老公買東西兼玩一陣，阿B唔肯行，所以我就抱下佢又推佢行。

到了晚上在炒菜的時候一不少心就被油彈到隻手

，我立即搽〝燙火膏〞只見到隻手有少少紅和痛，不像上一次又是同一隻手又是炒菜被油彈到，有大、細痛、紅腫起的傷共17〝達〞，要用〝全效防水膠膜敷貼〞

貼住某些傷。之後，回到老公家中一看，隻手有8處紅腫、少少痛，老公叫我敷冰，我唔肯我怕會起水泡。我看到老公個樣好疲倦。

我：你係咪好疲倦？快D白白後訓覺。(老公擰頭。)

我：你個頭係咪好痛？

老公：唔係。我唔知心口痛定心痛？

我：你係咪有心藏病？你去睇醫生好D。

老公冇應我就閉上眼抖。老公身體係比較潺弱，仲有一樣野好特別就是‧‧‧我尋日都忘了說，尋日搭巴士回家，在落車前一個站有好多人上車，突然聞到好似〝保心安油〞味，老公立即用手蓋住個鼻，後來轉用紙巾，我問老公：「你有冇頭暈

、有冇想嘔

？」，老公有頭暈冇想嘔，落車後見到老公隻手起好多紅色粒粒好似〝蚊難〞。因為老公對全部〝阿婆香水〞都唔聞得，一聞就會頭暈、想嘔、身體敏感，不過，明天就會沒事，但在這一刻見到老公好辛苦。