BBQ~十月份生日聚會

 健康三文魚沙律~

今朝4點先訓，但我8點幾已經起身，因為前幾日已約好今天與十月份生日的朋友~目的地

〝泥涌燒烤場〞。我既牙肉腫退了很多。

我去〝麥麥〞買埋早餐後

，到〝沙田好運中心~

百佳〞與朋友們會合，入到去只見到一個朋友看守住3架購物車，因為其他人分頭去買緊野食，咁我就一邊等、一邊食早餐、一邊傾計，我問朋友我地今日有幾多人丫？聽完之後我即刻

有

17人，仲有一個好耐冇見既朋友帶埋老公&囡囡一齊黎。不過，這班朋友每次攪活動都會有好多人，記得好耐之前一齊去台灣都有15個人，不知玩得幾開心。言歸正傳，我地一共買左4架購物車

，到分裝拎野時見到原來有D野已經係〝街市〞買左，其中一個朋友仲專程去

〝西田〞買日本青魚、雞軟骨腸、日本番薯、薯仔一陣燒。但我睇勻全場都冇17人，原來有些一陣自己入去。

在車站等左一陣就有車，落車後行左少少路就到達燒烤場，離遠已睇到有朋友已經霸左2個燒烤爐喇。正當大家分工合作洗野、包鍚紙、生火起爐，而其中一個朋友努力整一個好

~

〝三文魚〞係朋友係加拿大買回來的、菜全是有機蔬菜、番茄唔知係意大利定以色列，一邊享用沙律、一邊工作，安頓好一切後就開始燒烤。食物打開不久，黃蜂、黑蜂&蒼蠅都出動，真係好驚蜜蜂實在太大隻喇！牠們都佔據了牛扒、雞扒、豬扒，重災區是魚春魚，因為魚皮&魚春都被吃掉，其實前幾年已是這樣，食素的昆蟲都食肉喇~恐怖

。

我燒既~蒜蓉包

我地用左9秒9就執好個場走人，在遠處見到有巴士以為大家唔追，突然有一個朋友起跑，其他人就跟住跑，車上已有好多人全是企位，到我上車時老公睇到後面又有一架，所以我地就拜拜。餘下的朋友就同我一齊坐下一架，點知都係企位，但比之前的少人。大家到〝新城市〞後各自回家，去到巴士站有回家的巴士上緊客，但老公唔搭這架，要等下一架，因為冇位坐要企，終於等到有車，上到車老公就即刻有野講。

老公：又係呢個司機。

我：係咩！

老公：等左咁耐都唔開車，係咪有好多人上車？唔通又壞車又漏水？

我：唔係丫！冇人上車喎！係喎好似上次咁上左人、冇人上車又唔開車。(我才醒覺原來老公話呢個司機係上次〝沙田西田~BB餐廳〞壞車的司機。)

等左一陣開車喇！行車好暢順，點知差不多出〝城隧〞時就出事喇！我坐上層都聞到一陣燒膠味係由架車發出，其他乘客都發覺起身想落車，有些乘客話比司機聽〝架車出煙〞，司機將車停在巴士站最前的地方讓我地落車，我叫老公落車，但佢冇打算落車，我話全部人都落車，佢先至落，我都睇唔到架車邊到出煙。點解我坐呢個司機的車都咁既？

今日天氣32度~好熱，好在燒烤場間中有陣陣微風吹過，雖則有流汗，但沒有一身汗臭味。

〝西田~日本青魚〞~朋友話好味

〝西田~雞軟骨腸〞，好似小時候街邊小食丫！

〝薯仔〞加香草~正