耍樂~十月份生日會

這2日都晨早6、7點起身，又全日出街，今日都不願起身

，起身後肩頸比平時痛連帶頭都痛，希望我能捱得住，有時因為肩頸痛會引至我個人好掹，好易向老公發脾氣

。

今天的派對在〝同屋住〞的新屋進行，平時做的蛋糕都是6吋，但因為多人，所以昨天做的是8吋〝藍莓芝士餅〞

作為生日蛋糕，但係尋日我唔記得左個蛋糕size大左，用番平時6吋的時間焗，結果要番焗~攪到個面比較深色。

我地一齊吃過早餐後，就照常去suppermarket買零食、野飲

，跟住就去耍樂

，我地開左2枱，當然我與老公分開。今日我好叻~打和，因為我不太懂打麻雀，通常都係輸家，但我很喜歡這項運動，都想有人可以教我打，我可以不打錢，我只是享受箇中的樂趣。老公黑仔是今天的大輸家，但又不可以怪他，與他一枱的雀友大多是高手。耍樂完畢，當然是吃晚飯。

我地去了上次〝同屋住〞入伙的大排檔

，正當我預備行上樓梯入去時，老公叫我去另一邊上去，我問點解？老公：「另一邊上去，可能好似上次咁又有免費汽水、啤酒呢？」，去到另一邊點解冇出黎既？終於有喇！又係上次果一個人，佢好似唔認得好地，佢話送汽水比我地，但佢話細細聲

，可能怕比其他客知，真係好秘密她靜靜地放左係我地枱底，今次送了7罐汽水，上次送了啤酒、汽水。我見到有個伙計拎將單行過黎睇，之後好似係張到寫左D野，我就叫〝同屋住〞睇下係咪寫左汽水，睇完張單上有樣野唔知寫乜，一問真係寫左汽水，當然立即取消這項目。在食飯中段時落雨

，好在吃完飯就停左雨。

回到家中，成個人都很疲倦，唔多想郁，我個頭痛到頭先落車時〝櫈一櫈〞就好似有人一槌打落黎，總之。在我沖涼時才記起，之前娣婦在日本訂了2條褲比〝同屋住〞2個女，但係我忘記了，我真係〝大頭蝦〞又〝辦事不力〞

，所以我SMS左〝同屋住〞老婆後，我就去睡

，因為我疲倦之餘頭好痛，每當我搖頭、用力，個頭就好似有人一槌打落黎，很久沒試過這樣痛

。希望明天沒事，可以湊阿B！

從相看來褲管是長短，但實際是一樣長的。