哎呀！哎呀！哎呀！咬咬咬

BB出牙仔都會牙癢

，有時都會咬人，但阿B從沒有咬其他人，唯獨是咬我一個，每次都係右邊膊頭，但不是常常發生，平時都係間中咬我地既衫。從阿B出牙仔到現今我都是被咬4、5次，我係咩情況下被咬就是‧‧‧

有時係與阿B玩完後抱起他，又有時阿B突然好興奮

，正因阿B肉緊得滯就會咬我，正統來說阿B都唔係咬我，係咬我件衫，但就唔覺意咬埋我少少肉，當時真係好痛架，被咬的地方都會有紅印。試過有一次正當我跪下攬住預備抱起他時，我起左少少身，但阿B仍然雙腳踏地，突然我感覺到右邊膊頭少少肉被扯住有點痛，我心知是阿B咬我，當時形成一個拉鋸局面。

今晚事發既經過都係我抱住阿B

，但今次阿B連續咬我右邊膊頭2次。

我：「哎呀！阿B好痛丫！阿B又咬我喇！」，阿媽就走過黎。

阿媽：「咬死姑姑媽喇！」，我放低阿B後。

我：「阿媽我係咪紅晒丫？」

阿媽：「有2撻牙印。」

可能阿B門牙出晒，加上大力左，所以今次就有牙印。我等老公放工來到幫我影相，雖沒有牙印，但被咬的地方仍然是紅的。之後，過肥阿哥到比

塋印阿嫂，我梗係有向肥阿哥道出此事。

肥阿哥：「你有冇打佢丫！」

我：「冇丫！佢都唔係有心既~肉緊得滯，佢想咬我件衫，唔覺意咬埋我D肉咋麻，更何況佢只是咬我一個都冇咬其他人。」